தனி வேளாண் பட்ஜெட்டைத் தாக்கல் செய்த 3வது மாநிலம் – தமிழ்நாடு
August 21 , 2021 1099 days 559 0
தனி வேளாண் பட்ஜெட்டை (நிதிநிலை அறிக்கை) தாக்கல் செய்த 3வது மாநிலமாக தமிழ்நாடு மாறியுள்ளது.
கர்நாடகா மற்றும் ஆந்திரப் பிரதேசம் ஆகிய மாநிலங்களையடுத்து தமிழகமானது தனியொரு வேளாண் பட்ஜெட்டைத் தாக்கல் செய்துள்ளது.
வேளாண்மைக்கென தனியொரு பட்ஜெட்டை தாக்கல் செய்யும் நடைமுறையானது 2011 – 12 ஆம் ஆண்டில் கர்நாடக மாநிலத்தினால் தொடங்கப்பட்டது.
இதனைத் தொடர்ந்து 2013 – 14 ஆம் ஆண்டில் ஆந்திரப் பிரதேசமும் தாக்கல் செய்தது.
குறிப்பு
இந்திய அரசியலமைப்பின் 202வது சட்டப்பிரிவானது ஒரு மாநிலமானது ஒரு நிதி ஆண்டின் வருவாய் மற்றும் செலவினங்களின் மதிப்பீட்டு அறிக்கையினை (பொதுவாக ‘பட்ஜெட்’ (அ) வருடாந்திர நிதிநிலை அறிக்கை என கூறப்படுகிறது) தாக்கல் செய்வதற்கு வழிவகை செய்கிறது.