TNPSC Thervupettagam
✖
 
04, Mar 2025
TNPSC Group I Topper Corner
தமிழ் English
தேடல்
சர்வதேசச் செய்திகள்

தேயிலை குதிரை வர்த்தக சாலை

March 2 , 2025 2 days 55 0
  • 2,000 கி.மீ.க்கும் மேலான பரப்பில் பரவியிருந்த வரலாற்றுச் சிறப்புமிக்கத் தேயிலை குதிரை வர்த்தக சாலையானது, சீன நாட்டினைத் திபெத் வழியாக இந்தியாவுடன் இணைத்தது.
  • இப்பண்டைய தேயிலை-குதிரை வர்த்தக சாலையானது, பழங்காலத்தில் சீனாவிற்கும் இந்தியாவிற்கும் இடையிலான பரிமாற்றங்கள் மற்றும் தொடர்புகளுக்குச் சாட்சியாக உள்ளது.
  • சீனாவையும் ஐரோப்பாவையும் இணைத்த பட்டு வர்த்தகச் சாலையைப் போல மிகவும் நன்கு அறியப் படாவிட்டாலும், தேயிலை குதிரை வர்த்தகச் சாலையானது பல நூற்றாண்டுகளாக ஒரு முக்கிய வணிகப் பாதையாக இருந்தது.
  • இத்தேயிலை குதிரை வர்த்தகச் சாலை என்பது ஒற்றை சாலையைக் குறிக்கவில்லை,  மாறாக தென்மேற்கு சீனாவில் தொடங்கி இந்திய துணைக் கண்டத்தில் முடிவடைந்த பல்வேறு கிளைப் பாதைகளின் வலையமைப்பைக் குறிக்கிறது.
  • இரண்டு முக்கியப் பாதைகள் யுன்னான் மாகாணத்தில் உள்ள டாலி மற்றும் லிஜியாங் போன்ற சில நகரங்கள் வழியாகச் சென்று, திபெத்தில் உள்ள லாசாவை அடைந்து, இந்தியாவிற்குள் நுழைகின்றன.
  • இத்தேயிலை குதிரை வர்த்தகச் சாலையின் தோற்றுருவானது சீனாவில் உள்ள டாங் வம்சத்தின் ஆட்சியில் (கி.பி 618-907) நிறுவப்பட்டது.
  • புத்தத் துறவி யிஜிங்கின் (கி.பி 635-713) படைப்புகளில் சர்க்கரை, ஜவுளி மற்றும் அரிசி நூடுல்ஸ் போன்ற பொருட்கள் தென்மேற்கு சீனாவிலிருந்து திபெத்திற்குக் கொண்டு செல்லப் பட்டதாகக் குறிப்பிடப்பட்டுள்ளது.
  • இந்தியாவிலிருந்து குதிரைகள், தோல் பொருட்கள், திபெத்தியத் தங்கம், குங்குமப்பூ மற்றும் பிற மருத்துவ மூலிகைகள் சீனாவிற்கு கொண்டு செல்லப்பட்டன.


Post Views:
55

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்