PREVIOUS
✖
தொழிற்துறைகளுக்கான ஒற்றைச் சாளர முறையை செயல்படுத்தும் அவசரச் சட்டம்
November 3 , 2017
2610 days
1369
0
- மாநிலத்தில் முதலீடு செய்யும் திட்டம் கொண்டுள்ள முதலீட்டாளர்களுக்கு ஒற்றைச் சாளர முறையில் அனுமதி பெறுவதற்கான இணையவழி தகவு வசதியை தமிழக அரசு தொடங்கியது. (அறிமுகப்படுத்தியது.)
- easybusiness.tn.gov.in என்ற இணையவாயிலை தமிழக முதலமைச்சர் தொடங்கி வைத்தார். இது 11 துறைகளை ஒருங்கிணைத்து 37 சேவைகளை இணையவழியில் அளிக்கும்.
- இந்த தகவு,
- விண்ணப்பங்களைச் சமர்ப்பித்தல்
- கட்டணம் செலுத்துதல்
- அனுமதியளிக்கப்பட்ட விண்ணப்பங்களைப் பதிவிறக்கம் செய்தல்
- அனுமதிகளை புதுப்பிப்பது மற்றும் அரசின் பல்வேறு துறைகளிடமிருந்து 37 விதமான சேவைகளைப் பெறுவது போன்றவற்றிற்குப் பயன்படுகிறது.
- தமிழக அரசு, வணிகத்தை எளிதாக்கும் அவசரச் சட்டத்தை பிரகடனப்படுத்தி புதிய சட்ட விதிகளை அறிவித்தது.
- பல்வேறு அனுமதிகளைப் பெறுவதற்காகவும் வணிக சீர்திருத்த செயல் திட்டத்தின் சட்டங்களைக் குறிப்பிட்ட காலத்திற்குள் இயற்றவும் மத்திய வர்த்தக மற்றும் தொழில்துறை அமைச்சகத்தின் கீழ் உள்ள தொழில் கொள்கை மற்றும் ஊக்குவிப்புத் துறையின் பரிந்துரைகளை மாநில அரசு பின்பற்றியுள்ளது.
- பெரிய தொழில்துறை நிறுவனங்களை (10 கோடிக்கும் மேலான மூதலீடுகள்) பொறுத்த வரையில் தமிழ்நாடு தொழில்துறை வழிகாட்டல் மற்றும் ஏற்றுமதி மேம்பாட்டுச் செயலகமே (TNIGEPB) செயல்படுத்தும் முகமை ஆகும்.
- சிறிய மற்றும் நடுத்தரத் தொழில்துறை பிரிவுகளைப் பொறுத்த வரையில் (10 கோடி வரை உள்ள முதலீடுகள்), தொழில் மற்றும் வர்த்தக மண்டல கூட்டு இயக்குநர் அலுவலகம் சென்னை மாவட்டத்திற்கு செயல்படுத்தும் முகமை ஆகும்.
- பிற மாவட்டங்களில் மாவட்ட அளவிலான மாவட்ட தொழிற்சாலை மையங்களே (DLC) செயல்படுத்தும் முகமை ஆகும்.
Leave a Reply
Your Comment is awaiting moderation.