TNPSC Thervupettagam
✖
 
29, Apr 2025
TNPSC Group I Topper Corner
தமிழ் English
தேடல்
தேசியச் செய்திகள்

நுகர்வோர் பாதுகாப்பு மசோதா, 2019

August 13 , 2019 2086 days 2077 0
  • நுகர்வோர் பாதுகாப்பு மசோதா, 2019 ஆனது நாடாளுமன்றத்தின் இரு அவைகளாலும் நிறைவேற்றப்பட்டுள்ளது. இது 1986 ஆம் ஆண்டின் நுகர்வோர் பாதுகாப்புச் சட்டத்தை மாற்றுகின்றது.
நுகர்வோர் என்பவர் யார்?
  • நுகர்வோர் என்பவர் தனது தேவைக்காக எந்தவொரு பொருளையும் பெறும் அல்லது ஒரு சேவையைப் பெறும் ஒரு நபர் என்று வரையறுக்கப் படுகின்றார்.
  • “மறு விற்பனைக்காக” பொருளைப் பெறும் அல்லது வணிக நோக்கங்களுக்காக ஒரு பொருளை மற்றும் சேவையைப் பெறும் ஒரு நபரை இது உள்ளடக்கவில்லை.
  • இது நேரடிப் பரிவர்த்தனை, மின்னணு மூலம் நிகழ்நேரப் பரிவர்த்தனை, தொலைதூர வணிகம், பன்நிலை சந்தையிடல் அல்லது நேரடி விற்பனை ஆகிய அனைத்து முறைகள் மூலமான பரிவர்த்தனைகளையும் உள்ளடக்கியிருக்கின்றது.
நுகர்வோர்களின் உரிமைகள்
  • பின்வரும் உரிமைகள் உள்ளிட்ட 6 நுகர்வோர் உரிமைகளை இந்த மசோதா வரையறுக்கின்றது.
    • உயிர் மற்றும் சொத்துகள் ஆகியவற்றிற்கு தீங்கு விளைவிக்கக் கூடிய பொருட்கள் மற்றும் சேவைகள் ஆகியவற்றைச் சந்தைப்படுத்துதலுக்கு எதிராக பாதுகாப்பு அளித்தல்.
    • பொருட்கள் அல்லது சேவைகளின் பண்பு, அளவு, ஆற்றல் தூய்மைத் தன்மை, தரம்  மற்றும் விலை ஆகியவை குறித்து நுகர்வோருக்கு அறிவித்தல்.
    • போட்டி விலையில் பலவிதமான பொருட்கள் அல்லது சேவைகளைப் பெறுவதை உறுதி செய்தல்.
    • நியாயமற்ற அல்லது கட்டுப்படுத்தப்பட்ட வர்த்தக நடைமுறைகளுக்கு எதிராக தீர்வு காணுதல்.
மத்திய நுகர்வோர் பாதுகாப்பு ஆணையம்
  • நுகர்வோர் உரிமைகளை ஊக்குவிக்க, பாதுகாக்க மற்றும் அமல்படுத்துவதற்காக மத்திய நுகர்வோர் பாதுகாப்பு ஆணையம் ஒன்று அமைக்கப்படும்.
  • இது அத்தகைய விதிமீறல்கள் குறித்து விசாரணை மேற்கொள்வதற்கு பொது இயக்குநர் தலைமையில் ஒரு விசாரணைப் பிரிவைக் கொண்டிருக்கும்.
  • ஒரு தவறான விளம்பரத்திற்காக ஒரு உற்பத்தியாளர் அல்லது ஒப்புதல் அளிக்கக் கூடிய நபருக்கு ரூ.10 வரையிலான அபராதமும் சிறைத் தண்டனையையும் இது விதிக்கும்.
  • மேலும் இது தவறான விளம்பரப்படுத்துதலுக்கு ஒப்புதல் வழங்குநரை, அந்த குறிப்பிட்ட பொருள் அல்லது சேவைக்கு ஓராண்டு காலம் வரை அவர் ஒப்புதல் வழங்க தடை விதிக்கும்.
நுகர்வோர் குறை தீர்ப்பு ஆணையம்
  • மாவட்ட, மாநில மற்றும் தேசிய அளவில் நுகர்வோர் குறை தீர்ப்பு ஆணையம் (Consumer Disputes Redressal Commission - CDRC)  அமைக்கப்படும்.
  • மாவட்ட அளவில் வழங்கப்படும் குறைதீர்ப்பு ஆணையத் தீர்ப்பின் மேல்முறையீட்டை தேசிய அளவில் உள்ள ஆணையம் வரை கொண்டு செல்ல முடியும்.
  • இறுதியாக உச்ச நீதிமன்றத்தில் மேல்முறையீடு செய்ய முடியும்.
  • பின்வருபவை தொடர்பாக புகார்களை அளிக்க முடியும்.
    • நியாயமற்ற அல்லது கட்டுப்படுத்தப்பட்ட வர்த்தக நடைமுறைகள்
    • குறைபாடுள்ள பொருட்கள் அல்லது சேவைகள்
    • அதிகமான விலை அல்லது ஏமாற்றும் வகையில் விலை நிர்ணயம் செய்தல்
    • உயிர் மற்றும் பாதுகாப்பிற்குத் தீங்கு விளைவிக்கக்கூடிய பொருட்கள் அல்லது சேவைகளை வழங்குதல்.
அதிகார வரம்பு
  • மாவட்ட CDRC ஆனது சேவைகள் மற்றும் பொருட்களின் மதிப்பு ரூ. 1 கோடிக்கு மிகாமல் இருந்தால், அது குறித்தப் புகார்களை விசாரிக்கும்.
  • மாநில CDRC ஆனது ரூ. 1 கோடி முதல் ரூ. 10 கோடி வரை மதிப்பிலான பொருட்கள் அல்லது சேவைகள் குறித்தப் புகார்களை விசாரிக்கும்.
  • ரூ. 10 கோடிக்கு மேல் மதிப்பு கொண்ட பொருட்கள் அல்லது சேவைகள் குறித்தப் புகார்களை தேசிய CDRC விசாரிக்கும்.
பொருட்களுக்குப் பொறுப்புடைமை
  • குறைபாடுள்ள பொருட்களுக்குப் பொறுப்புடைமை என்பது ஒரு பொருள் அல்லது சேவையினால் நுகர்வோருக்கு ஏற்படும் எந்தவொரு தீங்கு மற்றும் பாதிப்பிற்காக, அவருக்கு ஈடு செய்வது, அந்தப் பொருளின் உற்பத்தியாளர் / சேவை வழங்குநர் / விற்பனையாளரின் பொறுப்பாகும்.
  • இழப்பீடு கோர, இந்த மசோதாவில் குறிப்பிட்டுள்ளவாறு குறைபாடு உள்ளதற்கான ஏதாவதொரு நிலையினை நுகர்வோர் நிரூபிக்க வேண்டும்.

Post Views:
2077

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்