பாதுகாப்பான தாய்மைக்கான தேசிய தினம் இந்திய வெள்ளை நாடா கூட்டிணைவின் (WRAI – White Ribbon Alliance India) ஒரு முன்னெடுப்பாகும்.
கர்ப்ப காலத்தில் குழந்தை பிறப்பின் போதான நலம் மற்றும் மகப்பேறு வசதிகளைப் போதுமான அளவில் மகளிர் பெறுவதனை உறுதி செய்வதற்காக இத்தினம் கடைபிடிக்கப் படுகிறது.
மேலும் இத்தினம் கஸ்தூரிபாய் காந்தியின் பிறந்த நாளையும் குறிக்கிறது.
கஸ்தூரிபாய் காந்தி தேசத் தந்தை மோகன்தாஸ் கரம்சந்த் காந்தியின் மனைவி ஆவார்.
1800 நிறுவனங்களின் கூட்டமைப்பான WRAI அமைப்பின் வேண்டுகோளுக்கு இணங்க 2003 ஆம் ஆண்டில் இந்திய அரசு ஏப்ரல் 11 ஆம் தேதியினைப் பாதுகாப்பான தாய்மைக்கான தேசிய தினமாக அறிவித்தது.
பாதுகாப்பான தாய்மைக்கான தேசிய தினத்தை சமூக ரீதியில் அறிவித்த உலகின் முதல் நாடு இந்தியா ஆகும்.