பாராளுமன்றத்தை முடக்கியது சட்டவிரோதம் என இங்கிலாந்து உச்ச நீதிமன்றம் தீர்ப்பு
September 26 , 2019 1794 days 577 0
ஒருமித்த முடிவாக, இங்கிலாந்து உச்ச நீதிமன்றமானது "பிரிட்டனின் நாடாளுமன்றத்தை முடக்கியது" சட்ட விரோதமானது என்று தீர்ப்பளித்துள்ளது.
முன்னதாக பிரிட்டிஷ் பிரதமர் போரிஸ் ஜான்சன் பிரெக்சிட்டிற்கு (அக்டோபர் 31) முன்னதாக ஐந்து வாரங்களுக்கு நாடாளுமன்றத்தை முடக்க முடிவு செய்திருந்தார்.
பிரிட்டனின் பாராளுமன்றத்தின் கீழ் சபையான பொது மக்கள் சபையில் தனது அரசாங்கம் பெரும்பான்மையை இழந்துவிட்டதால் அவர் இந்த முடக்கத்தை அறிவித்தார்.
செப்டம்பர் 10 முதல் அக்டோபர் 14 வரை பிரதமர் போரிஸ் ஜான்சனின் ஆலோசனையின் பேரில் அந்நாட்டு ராணியால் இங்கிலாந்து பாராளுமன்றம் முடக்கப்பட்டது.
இது இப்போது ரத்து செய்யப்பட்டுள்ளது. பிரெக்சிட் தொடர்பான அடுத்தகட்ட நடவடிக்கைகளை நாடாளுமன்ற சபாநாயகரும் மேல் சபை அல்லது பிரபுக்கள் சபையும் தீர்மானிக்க இருக்கின்றனர்.