PREVIOUS
✖
பினாகா ராக்கெட்
June 4 , 2018
2365 days
975
0
- மேம்படுத்தப்பட்ட வரம்பு (range) மற்றும் வழிகாட்டு அமைப்பினைக் (guidance system) கொண்ட, பினாகா இராக்கெட்டின் (Pinaka rocket) மேம்படுத்தப்பட்ட பதிப்பு இரண்டாவது நாளாகத் தொடர்ந்து ஒடிஸா மாநிலத்தின் சந்திப்பூரில் இருந்து வெற்றிகரமாக ஏவப்பட்டு சோதனை செய்யப்பட்டுள்ளது.
- பினாகா இராக்கெட் அமைப்பின் முந்தைய பதிப்பானது வழிகாட்டி அமைப்பு இல்லாத ஒன்றாகும். தற்போது இது வழிகாட்டு அமைப்பு உடைய பதிப்பாக மாற்றப்பட்டுள்ளது.
- ஹைதராபாத்தின் இமாரத் ஆராய்ச்சி மையத்தால் (Research Centre, Imarat-RCI) மேம்படுத்தப்பட்டுள்ள வழிகாட்டுதல், கட்டுப்பாட்டு உபகரணங்கள் இந்த இராக்கெட்டில் பொருத்தப்பட்டுள்ளன. இமாரத் ஆராய்ச்சி மையம் ஆனது பாதுகாப்பு ஆராய்ச்சி மற்றும் மேம்பாட்டு நிறுவனத்தின் (Defence Research and Development Organisation-DRDO) கீழ் செயல்படுகின்றது.
- இந்த மேம்படுத்தப்பட்ட பதிப்பிற்கான பரிமாற்றமானது பினாகா இராக்கெட்டின் வரம்பு மற்றும் துல்லியத்தினை அதிகரிக்க உதவும். இதன் பழைய வரம்பு 40 கிலோ மீட்டராகும். தற்போது இதன் புதிய வரம்பு 70 கிலோ மீட்டராகும்.
- இந்தச் சோதனையானது பாதுகாப்பு ஆராய்ச்சி மற்றும் மேம்பாட்டு நிறுவனத்தின் கீழ், சந்திப்பூரில் உள்ள ஆதாரம் மற்றும் பரிசோதனை பகுதியின் (Proof & Experiment Establishment -PXE) ஏவுதல் இடத்திலிருந்து பல்குழல் இராக்கெட் செலுத்தியிலிருந்து (multi barrel launcher) ஏவப்பட்டு சோதனை செய்யப்பட்டுள்ளது.
Leave a Reply
Your Comment is awaiting moderation.