PREVIOUS
✖
புதிய காச நோயாளிகள் பட்டியல்- இந்தியா முதலிடம்
October 31 , 2017
2452 days
828
0
- உலக சுகாதார அமைப்பின் புதிய அறிக்கையின்படி, 2016ஆம் ஆண்டில் உலகம் முழுவதுமுள்ள 4 மில்லியன் புதிய காசநோயாளிகளில் 64 சதவீதத்தினரைக் கொண்டு, 7 நாடுகளின் பட்டியலில் இந்தியா முதலிடத்தில் உள்ளது.
- மைக்கோ பாக்டீரியம் டியூபர்குலோசிஸ் என்ற பாக்டீரியாவால் ஏற்படும் காசநோயானது பெரும்பாலும் நுரையீரலைப் பாதிக்கிறது.
- இது குணப்படுத்தக்கூடிய மற்றும் தடுக்கக்கூடிய நோயாகும். இது ஒரு நபரிலிருந்து மற்றொரு நபருக்கு காற்றின் மூலம் பரவக்கூடிய தொற்று நோயாகும்.
- உலக சுகாதார அமைப்பு வெளியிட்டுள்ள 2017ஆம் ஆண்டிற்கான உலக காசநோய் அறிக்கையின்படி, இந்தியாவைப் பின் தொடர்ந்து இந்தோனேஷியா, சீனா, பிலிப்பைன்ஸ், பாகிஸ்தான், நைஜீரியா மற்றும் தென் ஆப்பிரிக்கா போன்ற நாடுகள் இடம்பிடித்துள்ளன.
- சீனா மற்றும் ரஷியாவோடு சேர்ந்து இந்தியா, 2016-ல் பதிவு செய்யப்பட்ட 4,90,000 பல்வகை மருந்துகளை எதிர்க்கும் தன்மை கொண்ட காசநோய் பாதிப்புடையவர்களில் பாதியைக் கொண்டுள்ளது.
- பல்வகை மருந்துகளை எதிர்க்கும் தன்மை கொண்ட காசநோய் (MDR-TB) என்பது குறைந்தபட்சம் ஐசோநியாசிட் மற்றும் ரிஃபாம்பின் போன்ற மிகவும் சக்திவாய்ந்த முதல் வரிசை காசநோய் தடுப்பு மருந்துகளின் சிகிச்சைக்கு எதிர்ப்புத் தன்மை கொண்ட பாக்டீரியாவால் ஏற்படுத்தப்படுகின்ற ஒரு வகை காச நோய்த் தொற்றாகும்.
Leave a Reply
Your Comment is awaiting moderation.