சுற்றுச்சூழல் செய்திகள்

புவிசார் குறியீடு

August 18 , 2019 1929 days 944 0

மத்திய வணிக மற்றும் தொழிற் துறை அமைச்சகத்தின் தொழிற்துறை மற்றும் உள்நாட்டு வர்த்தகத்தின் ஊக்குவிப்பிற்கான துறையானது மேலும் 3 புதிய புவிசார் குறியீட்டு (Geographical Indication - GI) பொருட்களைப் பதிவு செய்துள்ளது.
அவைகளாவன திரூர் வெற்றிலை, தவல்ஹ்லோஹ்புவன் மற்றும் மிசோ புவான்சேய்.
GI என்பது ஒரு குறிப்பிட்ட புவியியல் பகுதியில் உருவாக்கப்படும் பொருளைக் குறிப்பதற்குப் பயன்படுத்தப்படும் ஒரு அடையாளக் குறியீடாகும். இது அந்த உருவாக்கத்தின் காரணமாக இருக்கும் குணங்கள் அல்லது நன்மதிப்பைக் கொண்டிருக்கும்.
திரூர் வெற்றிலை இலையானது, அதன் லேசான தூண்டல் செயல் மற்றும் மருத்துவப் பண்புகள் ஆகிய இரண்டிற்காகவும் அறியப்படுகின்றது.
தவல்ஹ்லோஹ்புவன் என்பது மிசோரத்தைச் சேர்ந்த நெருக்கமாக நெய்யப்பட்ட ஒரு துணி வகையாகும்.
மிசோ புவான்சேய் என்பது பல வண்ணங்கள் கொண்ட மிசோ சால்வையாகும். இது ஒவ்வொரு மிசோரம் பெண்மணியின் முக்கியமான மற்றும் இன்றியமையாத உடைமையாகும்.