PREVIOUS
✖
மனித பாபில்லோமா வைரஸ்
January 28 , 2018
2495 days
927
0
- உலகளாவிய நோய்த்தடுப்புத் திறனூட்டல் திட்டத்தில் (UIP – Universal Immunisation Programme) மனித பாபில்லோமா வைரஸிற்கு எதிரான (Human Papilloma Virus – HPV) தடுப்பூசியை அறிமுகப்படுத்த தடுப்பூசி நோய்த்தடுப்புத் திறனூட்டல் மீதான தேசிய தொழில்நுட்ப ஆலோசனைக் குழு (National Technical Advisory Group on Immunization – NTAGI) பரிந்துரை வழங்கியுள்ளது.
- மனித பாபில்லோமா வைரஸானது 150-க்கும் மேற்பட்ட வைரஸ்களின் ஓர் குழுமமாகும். இவை பொதுவாக தீங்கற்றவை (Harmless). இவை தாமாகவே உடலை விட்டு வெளியேறிவிடும்.
- எனினும் இந்த வைரஸின் சில வகைகள், உடலின் பாகங்களில் பாபில்லோமாக்களை அல்லது மருக்களை ஏற்படுத்தும்.
- இது பாலியலுறவு வழியாக பரவும் பொதுவான நோய்த்தொற்றாகும்.
- தொடுதலின் வழியாகவும் (Skin to Skin Contact) இவ்வைரஸ் பரவும்.
- மனித பாபில்லோமா வைரஸானது பொதுவாக கர்ப்பப்பை வாய் புற்றுநோயோடு (Cervical Cancer) தொடர்புடையது.
- உலக அளவில் HPV-யோடு தொடர்புடைய புற்றுநோய் பாதிப்பு சுமையை மிக அதிகளவில் கொண்ட நாடுகளில் இந்தியாவும் ஒன்றாகும்.
- இந்த நோயினால், இந்தியாவில் ஆண்டிற்கு சுமார் 67,000 பெண்கள் உயிரிழக்கின்றனர்.
- தற்போது இந்த வைரஸிற்கு எதிராக தனியார் மருத்துவ நிறுவனங்களினால் வழங்கப்படும் HPV தடுப்பூசிகளானது பயன்பாட்டின் போது பக்க விளைவுகளை ஏற்படுத்துவதால் மருத்துவ முன்சோதனை பிரச்சனைகளை (Clinical Trial) சந்தித்து வருகின்றது.
Leave a Reply
Your Comment is awaiting moderation.