ஏறக்குறைய ஒரு மாத இடைவெளிக்குப் பிறகு, இந்திய ரிசர்வ் வங்கி 14 நாள் மாறு நிலை தலைகீழ் ரெப்போ விகித ஏல (VRRR) செயல்பாட்டை அறிவித்தது.
மாறுநிலை தலைகீழ் ரெப்போ விகித ஏலம் என்பது வங்கி அமைப்பில் நிலவி வரும் பணத்தின் அளவினைக் கையாளுவதற்காக இந்திய ரிசர்வ் வங்கி பயன்படுத்தும் ஒரு செயற் கருவியாகும்.
VRRR என்பது பொதுவாக வங்கி அமைப்பில் இருக்கும் பணத்தை திரும்பப் பெறுவதன் மூலம் உபரி பணப்புழக்கத்தைக் குறைப்பதற்காக மேற்கொள்ளப்படும் செயல்முறை ஆகும்.
அதிக பணப்புழக்கம் புழக்கத்தில் இருக்கும் போது வங்கிகளில் உள்ள அதிகப் படியான பணத்தினைத் திரும்பப் பெறுவதற்காக என்று இந்த ஏலங்களை இந்திய ரிசர்வ் வங்கி மேற்கொள்கிறது.