காமன்வெல்த் நாடுகளில் மாலத்தீவை ஒரு உறுப்பினராக மீண்டும் இணைப்பதை துரிதப் படுத்தக் கோரி இந்தியா காமன்வெல்த் அமைப்பை வலியுறுத்தியுள்ளது.
லண்டனில் நடைபெற்ற 19வது காமன்வெல்த் நாடுகளின் வெளியுறவுத் துறை அமைச்சர்களின் மாநாட்டில் இந்திய வெளியுறவுத் துறை அமைச்சர் S. ஜெய்ஷங்கர் இந்தியாவின் நிலைப்பாட்டை தெரிவித்தார்.
2016 ஆம் ஆண்டில் அப்துல்லா யாமீன் அதிபராக இருந்த போது மாலத்தீவு காமன்வெல்த் அமைப்பிலிருந்து வெளியேறியது.
காமன்வெல்த் நாடுகள்
காமன்வெல்த் என்பது 53 சுதந்திர மற்றும் இறையாண்மை கொண்டுள்ள நாடுகளின் தன்னார்வக் கூட்டமைப்பாகும். இவையனைத்தும் முன்னதாக பிரித்தானியப் பேரரசின் ஆளுகையின் கீழ் இருந்த நாடுகளாகும்.
1931 ஆம் ஆண்டில் தொடங்கப்பட்ட இந்த அமைப்பானது லண்டனைத் தலைநகரமாகக் கொண்டது.
2009 ஆம் ஆண்டில் கடைசியாக இணைந்த நாடு ருவாண்டா ஆகும்.
அனைத்து 53 உறுப்பினர் நாடுகளும் பொருளாதார நிலை அல்லது பொருளாதார அளவு ஆகியவற்றின் படியல்லாமல் சமமான கருத்துரிமையைக் கொண்டு உள்ளது.