PREVIOUS
✖
முதல் சர்வதேச சாலை கட்டுமானத் திட்டம்
April 24 , 2018
2280 days
679
0
- இந்திய தேசிய நெடுஞ்சாலை ஆணையமானது (National Highways Authority of India (NHAI) மியான்மரில் உள்ள யாக்யி – கலேவா நெடுஞ்சாலைப் பிரிவை (Yagyi – Kalewa section) இந்தியாவின் கிழக்குப் பகுதியோடு இணைந்த இருவழிப்பாதையாக (two lane) மேம்படுத்துவதற்கு மியான்மர் அரசுடன் ஓர் ஒப்பந்தத்தில் கையெழுத்திட்டுள்ளது.
- இத்திட்டமானது இந்தியா – மியான்மர் – தாய்லாந்து ஆகியவற்றிற்கிடையேயான முத்தரப்பு நெடுஞ்சாலைத் திட்டத்தின் {India-Myanmar-Thailand (IMT) Trilateral Highway} ஒரு பகுதியாகும். மேலும் இது இந்திய தேசிய நெடுஞ்சாலை ஆணையத்தின் முதல் சர்வதேச திட்டம் ஆகும்.
- தெற்காசிய பிராந்தியத்தில் அமைந்துள்ள இந்தியா, மியான்மர் மற்றும் தாய்லாந்து ஆகிய நாடுகளுக்கிடையேயான இணைப்பினை ஊக்குவிப்பதற்காக இந்தியாவின் கிழக்கு செயற்பாட்டு கொள்கையின் (Act East policy) கீழ் கட்டப்பட்டு வரும் பிராந்திய நெடுஞ்சாலையே IMT முத்தரப்பு நெடுஞ்சாலையாகும்.
- இந்த நெடுஞ்சாலையானது மியான்மரின் வழியே இந்தியாவின் மணிப்பூர் மாநிலத்தின் மோரெ (Moreh) பகுதியை தாய்லாந்து நாட்டின் மே சோட் (Mae- Sot) பகுதியுடன் இணைக்கும்.
- இந்த நெடுஞ்சாலையானது ஆசியான் – இந்தியா தடையற்ற வர்த்தக பகுதிகளிலும் (ASEAN–India Free Trade Area), அதனோடு பிற தென்கிழக்காசியப் பகுதிகளிலும் (Southeast Asia) வணிகம் மற்றும் வர்த்தகத்தை ஊக்குவிக்கும் என எதிர்பார்க்கப்படுகின்றது.
- இந்திய அரசின் மத்திய வெளியுறவு விவகாரத்துறை அமைச்சகத்தினால் இத்திட்டத்திற்கு நிதியளிக்கப்படுகின்றது.
- 1177 கோடி ரூபாய் செலவில் பொறியியல், கொள்முதல் மற்றும் கட்டுமானம் எனும் முறையின் (Engineering, Procurement and Construction Mode - EPC mode) அடிப்படையில் இத்திட்டம் செயல்படுத்தப்படவுள்ளது.
Leave a Reply
Your Comment is awaiting moderation.