ஐக்கிய அரபு அமீரகமானது பிரதமர் நரேந்திர மோடிக்கு அந்நாட்டின் மிக உயர்ந்த குடிமக்கள் விருதான “ஆர்டர் ஆப் சயீத்” என்ற விருதை வழங்கி கௌரவித்தது.
ஐக்கிய அரபு அமீரகத்தின் நிறுவனத் தந்தையான ஷேக் சயீத் பின் சுல்தான் அல் நஹ்யான் பெயரில் இவ்விருது வழங்கப்படுகிறது.
ஆண்டுக்கு சுமார் 60 பில்லியன் டாலர்கள் அளவில் இருதரப்பு வர்த்தகத்துடன் ஐக்கிய அரபு அமீரகமானது இந்தியாவின் 3-வது பெரிய வர்த்தக கூட்டுதாரர் நாடு ஆகும்.
இந்தியாவிற்கு கச்சா எண்ணெய் ஏற்றுமதி செய்யும் நாடுகளில் இது 4-வது இடத்தில் உள்ளது.
பிரதமர் அங்கு ரூபே அட்டையை அறிமுகப்படுத்தியதன் மூலம் மேற்காசிய நாடுகளில் இந்திய உள்நாட்டு மின்னணுப் பணவழங்கீட்டு முறையை துவங்கும் முதல் நாடாக ஐக்கிய அரபு அமீரகம் திகழ்கிறது.