மோதல் காலங்களில் நிகழும் பாலியல் வன்முறையை ஒழிப்பதற்கான சர்வதேச தினம் - ஜூன் 19
June 21 , 2023 429 days 161 0
இந்தத் தினமானது, மோதல் காலங்களில் நிகழும் பாலியல் வன்முறை என்ற முக்கியப் பிரச்சினையை முன்னிலைப்படுத்துவதையும், அதைத் தடுப்பதற்கான முயற்சிகளை ஊக்குவிப்பதையும் நோக்கமாகக் கொண்டுள்ளது.
இந்த ஆண்டிற்கான இந்தத் தினத்தின் கருத்துரு, "மோதல் காலங்களில் நிகழும் பாலியல் வன்முறைகளைத் தடுத்தல், அது குறித்து உரையாற்றுதல் மற்றும் அதற்கான நடவடிக்கைகளை எடுத்தல் ஆகியவற்றிற்காக பாலினம் சார்ந்த எண்ணிம பிளவைக் குறைத்தல்" என்பதாகும்.
இந்த நாள் 2015 ஆம் ஆண்டு ஜூன் 19 ஆம் தேதியன்று ஐக்கிய நாடுகளின் பொதுச் சபையால் நிறுவப் பட்டதாகும்.
இது மோதல் காலங்களில் நிகழும் பாலியல் வன்முறையை ஒரு முடிவுக்குக் கொண்டு வருவதன் அவசியத்தைப் பற்றிய விழிப்புணர்வை ஏற்படுத்துவதையும், உலகெங்கிலும் பாலியல் வன்முறைக்கு ஆளானவர்களுக்கு மரியாதை கிடைக்கச் செய்வதையும் ஒரு நோக்கமாகக் கொண்டுள்ளது.