மாநிலச் செய்திகள்

வங்காள மொழிக்கு செம்மொழி அந்தஸ்து

January 17 , 2024 346 days 334 0

மேற்கு வங்காள மாநில அரசானது, வங்காள மொழியை அதிகாரப்பூர்வமாக "செம்மொழி" ஆகப் பட்டியலிடுமாறு மத்திய அரசிடம் கோரியுள்ளது.
அம்மாநில அரசின் கோரிக்கைப்படி, வங்காளம் ஒரு மொழியாக, எழுத்துப் பூர்வமாக கி.மு. 3-4 ஆம் ஆண்டிலிருந்தே காணப்படுகிறது.
வங்காள மொழி இந்தியாவில் அதிகம் பேசப்படும் 2வது மொழியாகும் என்பதோடு இது உலகில் அதிகம் பேசப்படும் 7வது மொழியும் ஆகும்.
இதுவரை, ஆறு மொழிகளுக்கு மட்டுமே செம்மொழி அந்தஸ்து உள்ளதாக இந்திய அரசு அதிகாரப் பூர்வமாக அங்கீகரித்துள்ளது.
அவை தமிழ் (2004), சமஸ்கிருதம் (2005), தெலுங்கு, கன்னடம் (2008), மலையாளம் (2013), மற்றும் ஒடியா (2014) ஆகியவை ஆகும்.
மத்திய அரசின் வழிகாட்டுதல்களின்படி, ஒரு மொழியை "செம்மொழி" என்று அறிவிப்பதற்கு அது பின்வரும் நிலைகளைப் பூர்த்தி செய்ய வேண்டும்.
- அதன் பண்டைய நூல்களின் அதீதத் தொன்மை;
- 1500-2000 ஆண்டுகளுக்கும் மேலாக காணப்படுவதற்கான வரலாறு;
- ஒரு மொழி பேசும் குழுவின் தலைமுறைகளால் மதிப்புமிக்க பாரம்பரியமாகக் கருதப் படுகின்ற பண்டைய இலக்கியங்கள்/நூல்களின் தொகுப்பினை கொண்டு இருக்க வேண்டும்;
- அசலாகவும் மற்றொரு மொழி பேசும் சமூகத்திலிருந்து பெறப்படாத ஒரு இலக்கிய பாரம்பரியத்தினை கொண்டிருக்க வேண்டும்; மற்றும்
- செம்மொழிக்கும் அதன் பிற்கால வடிவங்களுக்கும் அல்லது அதன் கிளைகளுக்கும் இடையில் எந்தவொரு இடைவெளியும் இல்லாமல், நவீன காலத்திலிருந்து வேறுபட்டு இருப்பது.