ஸ்டாக்ஹோம் சர்வதேச அமைதி ஆய்வு நிறுவனமானது (SIPRI - Stockholm International peace research institute) வன்முறையினால் ஏற்பட்ட மரணங்களின் சர்வதேச பதிவு எனும் புதிய முன்னெடுப்பைத் தொடங்கியுள்ளது.
இது உலகளாவிய அளவில் வன்முறைகளால் ஏற்படும் மரணங்களின் எண்ணிக்கையை கணக்கெடுப்பதை நோக்கமாகக் கொண்டுள்ளது.
இது அனைத்து வகையான வன்முறைகளாலும் ஏற்படும் இறப்புகளைக் கணக்கிட்டு திறந்த நிலை தரவு தளத்தில் வெளியிடும்.
இது 2030 ஆம் ஆண்டுக்குள் “அனைத்து வகையான வன்முறைகளையும் அது சம்பந்தப்பட்ட இறப்பு விகிதங்களையும் குறைப்பது” என்ற உலக நாடுகளின் இலக்கில் (SDG – இலக்கு 16) ஏற்படும் முன்னேற்றத்தைக் கண்காணிக்க உதவுகிறது.
இந்த தரவு தளமானது நேரம், இடம், குற்றவாளி, பாதிக்கப்பட்டவர் மற்றும் வன்முறையின் வகை உட்பட அனைத்து வகையான வன்முறையினால் ஏற்பட்ட இறப்புகளையும் உள்ளடக்கியது ஆகும்.
இந்தத் திட்டத்தின் முதல் கட்டத்திற்கு ஸ்வீடனின் போஸ்ட்கோடு அறக்கட்டளையினாலும் ஐக்கிய ராச்சியத்தின் சர்வதேச மேம்பாட்டுத் துறையினாலும் நிதியளிக்கப்படுகிறது.
SIPRI
ஸ்வீடனை அடிப்படையாகக் கொண்ட இந்த சர்வதேச அமைப்பானது 1966 ஆம் ஆண்டு நிறுவப்பட்டது.
இது மோதல்கள், ஆயுதங்கள், ஆயுதக் கட்டுப்பாடு மற்றும் ஆயுதக் குறைப்பு ஆகியவற்றின் மீது ஆய்வு மேற்கொள்வதற்காக அர்ப்பணிக்கப்பட்டது.
இது திறந்த நிலை ஆதாரங்களின் அடிப்படையில் கொள்கை வகுப்பாளர்கள், ஆய்வாளர்கள், ஊடகங்கள் மற்றும் ஆர்வமுள்ள பொதுமக்களுக்கு தரவுகள், பகுப்பாய்வு மற்றும் பரிந்துரைகளை வழங்குகிறது.