PREVIOUS
✖
வெள்ளை அறிக்கை – தமிழகப் பொருளாதாரம்
August 13 , 2021
1107 days
603
0
- தமிழக நிதி மற்றும் மனிதவள மேம்பாட்டுத் துறை அமைச்சர் P.T.R. பழனிவேல் தியாகராஜன் சென்னையிலுள்ள தலைமைச் செயலகத்தில் மாநிலத்தின் நிதிநிலை குறித்த வெள்ளை அறிக்கையினை வெளியிட்டார்.
- தமிழகத்தில் கடந்த 10 ஆண்டுகளில் நடைபெற்ற நிதி முறைகேடுகள் குறித்து இந்த வெள்ளை அறிக்கை மேற்கோளிட்டுக் காட்டியுள்ளது.
- தமிழகத்தில் 2006-11 ஆகிய ஆண்டுகளில் 10.15% ஆக இருந்த மொத்த மாநில உள்நாட்டு உற்பத்தியின் சராசரி வருடாந்திர வளர்ச்சி வீதமானது 2016-20 ஆகிய ஆண்டுகளில் 7.22% ஆகக் குறைந்துள்ளது என இந்த அறிக்கையில் கூறப்பட்டுள்ளது.
- கடந்த 8 ஆண்டுகளாக தமிழகத்தில் வருவாய்ப் பற்றாக்குறை மோசமாகி வருகிறது.
- 2020-21 ஆம் நிதியாண்டிற்கான வருவாய்ப் பற்றாக் குறையானது மொத்த மாநில உள்நாட்டு உற்பத்தியில் 3.16% ஆகும்.
- அரசுக் கடன்கள் அதிகரித்து வருவதால் மாநிலத்தின் நிதிப்பற்றாக் குறையானது பிரதானமாக அதிகரித்து வருகிறது.
- நிதிப் பற்றாக்குறையானது மொத்த மாநில உள்நாட்டு உற்பத்தியில் 4.43% ஆக உள்ளது.
- தமிழ்நாட்டிலுள்ள ஒவ்வொரு குடும்பத்தின் பேரிலும் 2,63,976 ரூபாய் பொதுக் கடன் உள்ளது.
- பொதுக் கடனானது மொத்த மாநில உள்நாட்டு உற்பத்தியில் 26.69% ஆகும்.
- மாநிலத்தின் சொந்த வரி வருவாயில் கணிசமான அளவில் சரிவு ஏற்பட்டுள்ளது.
- 2020-21 ஆம் ஆண்டில் மானியங்களானது வருவாய்ச் செலவினத்தில் 27.06% ஆகவும், மொத்த மாநில உள்நாட்டு உற்பத்தியில் 3.21% ஆகவும் உயர்ந்துள்ளது.
- மின்சாரத்திற்கான மானியமானது மொத்த மாநில உள்நாட்டு உற்பத்தியில் அதிக பட்சமாக 1.10% ஆக உள்ளது.
- உணவு மானியமானது மொத்த மாநில உள்நாட்டு உற்பத்தியில் 0.49% ஆக உள்ளது.
- போக்குவரத்து மீதான மானியமானது மொத்த மாநில உள்நாட்டு உற்பத்தியில் 0.19% ஆக உள்ளது.
Leave a Reply
Your Comment is awaiting moderation.