மணிப்பூர் மாநிலத்தின் புகழ்பெற்றத் தயாரிப்புகளான, தனித்துவமிக்கச் சுவைக்கு பெயர் பெற்ற உக்ரூல் மாவட்டத்தில் காணப்படுகின்ற ஹதே மிளகாய் மற்றும் தமேங்லாங் மாண்டரின் ஆரஞ்சு ஆகியவற்றிற்குப் புவிசார் குறியீடு வழங்கப் பட்டு உள்ளது.
ஹதே மிளகாயானது ஒரு நல்ல எதிர் ஆக்சிகரணியாகச் செயல்படுவதோடு இது கால்சியம் மற்றும் வைட்டமின் சி போன்றவற்றையும் அதிகளவில் கொண்டுள்ளது.
இது அமெரிக்க மசாலா வர்த்தகச் சங்கத்தின் மிக உயரிய வண்ண மதிப்பீட்டினைக் (164) கொண்டுள்ளது.
இந்த மிளகாயிலிருந்துப் பிரித்தெடுக்கக் கூடிய நிறம் பொதுவாக ASTA சங்கத்தின் மதிப்பீடுகளைக் கொண்டு வெளியிடப்படுகிறது.
தமேங்லாங் மாண்டரின் ஆரஞ்சு அதன் அளவில் மிகப் பெரியதாகும்.
இது ஒரு தனித்துவமான இனிப்பு மற்றும் புளிப்புச் சுவையினைக் கொண்டது.
இதில் அதிகளவு சாறு நிறைந்துள்ளதோடு (சுமார் 45%) இதில் அஸ்கார்பிக் அமிலம் (48.12 மில்லிகிராம்/100 மி.லி) அதிகளவில் நிறைந்துள்ளது.