2019 ஆம் ஆண்டின் சமபங்கு அதிகாரம் மற்றும் மேம்பாட்டிற்காக அறிவியல் (SEED - Science For Equity Empowerment and Development) என்ற விருதிற்குப் பதினான்கு ஸ்டார்ட் அப் நிறுவனங்கள் தேர்ந்தெடுக்கப் பட்டுள்ளன.
2002 ஆம் ஆண்டில் ஜோஹன்னஸ்பர்க்கில் நடத்தப்பட்ட நீடித்த வளர்ச்சி மீதான உலக உச்சி மாநாட்டின் போது ஐக்கிய நாடுகளின் சுற்றுச்சூழல் திட்டம் (UN Environment), ஐக்கிய நாடுகளின் மேம்பாட்டுத் திட்டம் (United Nations Development Programme - UNDP) மற்றும் பன்னாட்டு இயற்கைப் பாதுகாப்புச் சங்கம் (International Union for Conservation of Nature - IUCN) ஆகியவற்றால் SEED விருது நிறுவப் பட்டது.
இந்த ஆண்டின் பிரிவுகள் SEED குறைந்த கார்பன், SEED ஆப்பிரிக்க விருதுகள், SEED தென்னாப்பிரிக்க காலநிலைத் தழுவல் விருதுகள் மற்றும் SEED பாலின சமத்துவ விருது ஆகியவற்றை உள்ளடக்கியுள்ளன.
SEED குறைந்த கார்பன் பிரிவின் கீழ், உத்தரப் பிரதேசத்தின் கான்பூரில் அமைந்துள்ள ஐக்யா ஆர்கானிக்ஸ் என்ற அமைப்பானது இந்தியாவில் இருந்து இந்த விருதை வென்றுள்ளது.
ஐக்கியா என்ற அமைப்பைத் தவிர, ஸ்டோன்சூப், ஆரோஹனா சுற்றுச்சூழல் சமூக மேம்பாடு, சுற்றுச்சூழல் தீர்வுகள் மற்றும் விவசாயிகள் புதிய மண்டலம் போன்றவை உள்ளிட்ட நான்கு அமைப்புகள் இந்தியாவில் இருந்து இந்த விருதுக்குத் தேர்வு செய்யப் பட்டுள்ளன.