சுற்றுச்சூழல் செய்திகள்

2023 ஆம் ஆண்டில் இந்தியாவில் உமிழ்வு நிலை

December 5 , 2023 356 days 244 0

பருவநிலை மாற்றம் தொடர்பான ஐக்கிய நாடுகள் சபையின் கட்டமைப்பு உடன்படிக்கைக்கான மூன்றாவது தேசிய அறிக்கை’ என்ற அரசாங்க அறிக்கை வெளியிடப் பட்டுள்ளது.
பசுமை இல்ல வாயு உமிழ்வில் பொருளாதார வளர்ச்சி கொண்டுள்ள தொடர்பினை குறைப்பதில் நாட்டின் நடவடிக்கையில் உள்ள கணிசமான முன்னேற்றத்தை இது குறிப்பிட்டுக் காட்டுகிறது.
இந்திய நாடானது, 2005 முதல் 2019 ஆம் ஆண்டு வரையில் மொத்த உள்நாட்டு உற்பத்தியிலான உமிழ்வுச் செறிவில் 33% குறைத்துள்ள நிலையில் இது 11 ஆண்டுகளுக்கு முன்னதாகவே இலக்குகளை தாண்டியது என்பதைக் குறிக்கிறது.
வருடாந்திர மொத்த உள்நாட்டு உற்பத்தி வளர்ச்சி 7% ஆக இருந்த போதிலும், உமிழ்வுகள் ஆண்டிற்கு 4% மட்டுமே உயர்ந்துள்ளது.
உலக மக்கள்தொகையில் 17% பங்கினைக் கொண்டுள்ள இந்தியா, உலகளாவிய கார்பன் உமிழ்வு 4 சதவீதத்திற்கும் குறைவான பங்கையே கொண்டுள்ளது.
அதே காலகட்டத்தில் 1.97 பில்லியன் டன் கார்பன் டை ஆக்சைடுக்கு இணையான கூடுதல் கார்பன் பிடிப்பு பகுதிகளை இந்தியா உருவாக்கியுள்ளது.
2005 ஆம் ஆண்டின் அளவுடன் ஒப்பிட்டு, 2030 ஆம் ஆண்டில் மொத்த உள்நாட்டு உற்பத்தியிலான உமிழ்வு தீவிரத்தை 45% குறைக்கும் இலக்கை அடைவதற்கான ஒரு பாதையில் இந்தியா உள்ளது.
எரிசக்தித் துறையானது மானுடவியல் சார்ந்த உமிழ்வுகளுக்கு அதிகப் பங்கினை கொண்டுள்ள (75.81%) நிலையில், அதைத் தொடர்ந்து வேளாண்மை (13.44%), தொழில் துறைச் செயல்முறைகள் மற்றும் தயாரிப்புப் பொருட்கள் பயன்பாடு (8.41%), மற்றும் கழிவுகள் (2.34%) ஆகியவை அதிகப் பங்கினைக் கொண்டுள்ளன.
நிலப் பயன்பாடு, நிலப் பயன்பாட்டு மாற்றம் மற்றும் வனவியல் (LULUCF) துறையானது குறிப்பிடத் தக்க வகையில் 4,85,472 ஜிகா டன் கார்பன் டை ஆக்சைடுக்குச் சமமான (GgCO2e) உமிழ்வை நீக்கியுள்ளது.
2028 ஆம் ஆண்டு ஐக்கிய நாடுகள் சபையின் வருடாந்திர பருவநிலைப் பேச்சு வார்த்தையை இந்தியா நடத்த உள்ளது.
2019 ஆம் ஆண்டு பசுமை இல்ல வாயு இருப்புக்களுடன் தனது மூன்றாவது தேசிய அறிக்கையினைச் சமர்ப்பித்ததன் மூலம் வளர்ந்து வரும் நாடுகளில் இந்தியா தனித்து நிற்கிறது.
சீனா (2014), பிரேசில் (2016), தென்னாப்பிரிக்கா (2017) மற்றும் சவுதி அரேபியா (2012) போன்ற பிற நாடுகளுடன் ஒப்பிடும் போது இது மிகவும் சமீபத்திய தரவைக் குறிக்கிறது.
2030 ஆம் ஆண்டிற்குள் புதைபடிவ எரிபொருள் சார்ந்த எரிசக்தி ஆதாரங்களில் இருந்து 50% வரை நிறுவப்பட்ட ஒட்டுமொத்த மின்சக்தி திறனை அடைய இந்தியா இலக்கு நிர்ணயித்துள்ளது.
2070 ஆம் ஆண்டிற்குள் நிகர சுழிய உமிழ்வு கொண்ட பொருளாதாரமாக மாற இந்தியா வெகுவாக உறுதி பூண்டுள்ளதோடு, இது நீண்ட கால நிலைத்தன்மைக்கான அதன் அர்ப்பணிப்பை எடுத்துக் காட்டுகிறது.