1985 ஆம் ஆண்டு டிசம்பர் 8 ஆம் தேதி வங்கதேசத்தின் டாக்காவில் நடைபெற்ற முதல் சார்க் உச்சி மாநாட்டில் சார்க் அமைப்பு நிறுவப்பட்டது.
தெற்காசிய நாடுகளின் பிராந்தியக் கூட்டமைப்பு (SAARC - South Asian Association for Regional Cooperation) என்பது தெற்காசியாவில் உள்ள பிராந்திய அரசுகளுக்கு இடையேயான அமைப்பு மற்றும் அப்பகுதி நாடுகளின் ஒரு புவிசார் அரசியல் கூட்டமைப்பாகும்.
இதன் உறுப்பு நாடுகள் ஆப்கானிஸ்தான், வங்கதேசம், பூடான், இந்தியா, மாலத்தீவு, நேபாளம், பாகிஸ்தான் மற்றும் இலங்கை ஆகும்.
இதன் செயலகம் நேபாளத்தின் காத்மாண்டுவில் அமைந்துள்ளது.
நேபாளமானது தற்போது சார்க் அமைப்பின் தலைமைப் பொறுப்பை வகிக்கிறது.