முக்கிய தினங்கள்

72வது நிறுவன தினம்

November 29 , 2020 1370 days 441 0

தேசிய மாணவர் படையானது தனது 72வது நிறுவன தினத்தை நவம்பர் 22 அன்று கொண்டாடியது.
இது உலகின் மிகப்பெரிய சீருடை அணிந்த ஒரு இளைஞர் அமைப்பாகும்.
தனது தலைமையகத்தை புது டெல்லியில் கொண்டுள்ள இது ஆயுதப் படைகளின் ஒரு இளைஞர் படையாகும்.
இது இந்தியா முழுவதும் உள்ள மேல்நிலைப் பள்ளிகள், உயர்நிலைப் பள்ளிகள், கல்லூரிகள் மற்றும் பல்கலைக்கழகங்களிலிருந்து மாணவர்களைச் சேர்க்கிற ஒரு தன்னார்வ அமைப்பாகும்.
இது ராணுவம், கடற்படை மற்றும் விமானப் பிரிவு ஆகியவற்றை உள்ளடக்கிய ஒரு முத்தரப்புச் சேவை அமைப்பாகும்.
இது 1948 ஆம் ஆண்டின் தேசிய மாணவர் படைச் சட்டத்தால் உருவாக்கப்பட்டது.
இதன் அடிப்படையை இந்திய பாதுகாப்புச் சட்டம் 1917 என்ற சட்டத்தின் கீழ் உருவாக்கப் பட்ட ‘யுனிவர்சிட்டி கார்ப்ஸ்’ என்ற அமைப்பில் பார்க்கலாம்.
நாட்டின் எல்லை மற்றும் கடலோரப் பகுதிகளில் தேசிய மாணவர் படையை விரிவுபடுத்தும் திட்டத்தை பிரதமர் நரேந்திர மோடி 2020 ஆம் ஆண்டு ஆகஸ்ட் 15 அன்று அறிவித்தார்.