PREVIOUS
✖
TNPSC துளிகள்
August 11 , 2019
1938 days
1223
0
- ஆரம்பப் பள்ளிகளில் பயிலும் மாணவர்களின் கணிதம் சார்ந்த கற்றல் திறனை மேம்படுத்துவதற்காக நிகழ்நேரத்தில் (ஆன்லைன்) தரவுகளை வழங்குவதில் கவனம் செலுத்தக் கூடிய ஒரு முன்னோடித் திட்டமான “மேட்டிபிக்” என்ற செயலியை தமிழ்நாடு மாநில கல்வித் துறை தொடங்கியுள்ளது.
- “மேட்டிபிக்” ஆனது மாணவர்களின் கணிதம் சார்ந்த கற்றல் திறனின் முழுமையான வளர்ச்சிக்குப் பங்களிக்கக் கூடிய வகையில் கணக்குகளுக்குத் தீர்வு காணும் பணிகளில் அவர்களை ஈடுபடுத்துகின்றது.
- காதி மற்றும் காதி தொழிற்துறை ஆணையம் (KVIC - Khadi and Village Industry Commission) 2019 ஆம் ஆண்டின் உலக பூர்வகுடி மக்கள் தினத்தின்போது (ஆகஸ்ட் 9) “தோல் திட்டம்” என்ற ஒன்றைத் தொடங்கியுள்ளது. இது இந்தியா முழுவதும் தோல் கைவினைஞர்களுக்குத் தோல் சார்ந்த பொருட்களை வழங்கவிருக்கின்றது.
- இந்திய தேசிய அறிவியல் நிறுவனத்தின் முதலாவது பெண் தலைவராக சந்திரிமா சஹா பொறுப்பேற்கவுள்ளார். இவருடைய பதவிக் காலம் 2020 ஆம் ஆண்டு ஜனவரி மாதத்தில் தொடங்கவிருக்கின்றது.
- இவர் இதற்கு முன்பு புது தில்லியில் உள்ள தேசிய நோய் தடுப்பியல் நிறுவனத்தின் இயக்குநராகப் பணியாற்றினார்.
- இந்தியாவின் முதலாவது “சுகாதாரப் பற்று அட்டையானது” தனியார் துறை வங்கியான ஆர்பிஎல் மற்றும் டிஜிட்டல் சுகாதார நல பிராக்டோ தளம் ஆகிய நிறுவனங்களினால் தொடங்கப்பட்டுள்ளது. மருத்துவர்களுடனான நிகழ்நேர ஆலோசனைகள் மற்றும் இலவச சுகாதாரப் பரிசோதனை போன்றவற்றிற்காக இதைப் பயன்படுத்த முடியும்.
- ஹைதராபாத் ஓபன் போட்டியில் இந்திய பேட்மின்டன் வீரரான சவ்ரப் வெர்மா ஆண்களுக்கான ஒற்றையர் பட்டத்தை வென்றுள்ளார். இவர் இறுதிப் போட்டியில் சிங்கப்பூரைச் சேர்ந்த லோஹ் கியான் யூவை வீழ்த்தினார்.
- ஜார்ஜியாவின் திபிலீசியில் நடைபெற்ற கிராண்ட் பிரிக்ஸ் மல்யுத்தத் தொடரில் பஜ்ரங் புனியா 65 கிலோ எடைப் பிரிவில் ஈரானின் பெய்மன் பிப்யானி என்பவரை வீழ்த்தி, தனது நான்காவது தங்கப் பதக்கத்தை வென்றுள்ளார்.
Leave a Reply
Your Comment is awaiting moderation.