முக்கிய தினங்கள்

உலக தாய்ப்பால் வாரம் – ஆகஸ்ட் 01 – 07

August 6 , 2019 1881 days 803 0

உலக தாய்ப்பால் வாரமானது ஆண்டுதோறும் ஆகஸ்ட் 01 முதல் 07 வரை அனுசரிக்கப்படுகிறது.
இது வாழ்வின் முதல் ஆறு மாதங்களுக்கு, மிகப்பெரிய அளவிலான ஆரோக்கிய நலன்களைக் கொண்டுள்ள தனித்துவமான தாய்ப்பால் ஊட்டுவதை ஊக்குவிப்பதை நோக்கமாகக் கொண்டுள்ளது.
இது தாய்ப் பாலூட்டும் நடவடிக்கைக்கான உலகக் கூட்டிணைவு, உலக சுகாதார நிறுவனம் மற்றும் யுனிசெஃப் ஆகியோரால் இணைந்து ஏற்பாடு செய்யப்பட்டுள்ளது.
முதன்முதலில் 1992ல் அனுசரிக்கப்பட்ட இது தற்போது 100-க்கும் மேற்பட்ட நாடுகளில் அனுசரிக்கப்படுகின்றது.
இந்த அனுசரிப்பின் போது, பெண்கள் மற்றும் குழந்தைகள் மேம்பாட்டு அமைச்சகத்தின் உணவு மற்றும் ஊட்டச்சத்து வாரியமானது, “பெற்றோரை மேம்படுத்துங்கள், தாய்ப்பால் கொடுங்கள்” எனும் கருத்துருவின் கீழ் பல நடவடிக்கைகளை மேற்கொண்டு வருகிறது.
தாய்ப் பாலூட்டுதல் முக்கியமானது ஏனெனில்
- இது ஆரம்பக் கால வயிற்றுப் போக்கு மற்றும் கடுமையான சுவாச நோய் தொற்றுகள் போன்ற நோய்களைத் தடுப்பதினால் குழந்தை இறப்புகளை குறைக்கின்றது.
- இது தாய்மார்களுக்கு மார்பக புற்றுநோய், கருப்பைப் புற்றுநோய், இரண்டாம் வகை நீரிழிவு நோய் மற்றும் இதய நோய்கள் போன்றவை உருவாகும் ஆபத்தை குறைக்கின்றது.