ரோப்பரின் இந்திய தொழில்நுட்பக் கல்வி நிறுவனமானது (IIT-Ropar) ‘AmbiTAG’ எனும் கருவியை உருவாக்கியுள்ளது.
இது “Cold Chain” எனப்படும் வெப்பநிலை கட்டுப்படுத்தப்பட்ட ஒரு அமைப்பிற்காக வேண்டி உள்நாட்டிலேயே உருவாக்கப்பட்ட இந்தியாவின் முதல் வெப்பநிலை தரவுப் பதிவு அமைப்பாகும்.
இது USB வடிவில் அமைக்கப்பட்டுள்ளது.
இது தனது சுற்றுப்புறப் பகுதியின் வெப்பநிலையைத் தொடர்ந்து பதிவு செய்து கொண்டே இருக்கும்.
ஒரு முறை மின்னேற்றப் பட்டால் எந்த நேர மண்டலத்திலும் –40° முதல் +80° வரையிலான வெப்பநிலையைக் கண்டறியும் வகையில் 90 நாட்கள் வரையில்இது தொடர்ந்து இயங்கக் கூடியதாகும்.
உலகின் ஏதோ ஒரு பகுதியிலிருந்து கொண்டு வரப்படும் குறிப்பிட்டப் பொருளானது இன்னும் பயன்படுத்தக் கூடிய நிலையில் உள்ளதா அல்லது வெப்பநிலை மாறுபாட்டினால் சிதைந்து விட்டதா எனக் கண்டறிவதற்கு இந்த உபகரணம் உதவியாக இருக்கும்.
கோவிட்-19 தடுப்பு மருந்துகள் போன்ற பிற தடுப்பு மருந்துகள், உடல் உறுப்புகள் மற்றும் சிகிச்சைக்கான இரத்தம் போன்றவற்றை வேறிடத்திற்கு கொண்டு செல்வதற்கு இந்த தகவலானது முக்கியமான ஒன்றாகும்.