PREVIOUS
✖
E-Tribes India
March 31 , 2018
2304 days
811
0
- மின் வர்த்தகத் தளங்களின் மீது E-Tribes இந்தியா பதாகையை (E-Tribes India banners) மத்திய பழங்குடியினர் விவகாரத்துறை அமைச்சகத்தின் கீழ் செயல்படும் இந்திய பழங்குடியினர் கூட்டுறவு சந்தைப்படுத்துதல் மேம்பாட்டுக் கூட்டமைப்பு நிறுவனம் (Tribal Cooperative Marketing Development Federation of India –TRIFED) தொடங்கியுள்ளது.
- மேலும் TRIFED நிறுவனமானது பழங்குடியினரின் உற்பத்திப் பொருட்களுடைய சில்லரை வர்த்தகத்திற்கான TRIFED கையேடு ஒன்றையும் (TRIFED’s Handbook for Retail Trade of tribal products), “Tribes Hat” எனும் காலாண்டு இதழ் (Quarterly Magazine) ஒன்றையும் வெளியிட்டுள்ளது.
- இந்திய பழங்குடியினர் கூட்டுறவு சந்தைப்படுத்துதல் மேம்பாட்டுக் கூட்டமைப்பு நிறுவனமானது டிஜிட்டல் இந்தியா தொடக்கத்தின் ஒரு பகுதியாக trifed.in, www.tribesindia.com எனும் இரு இணைய தளங்களையும், கைபேசி வர்த்தக செயலியையும் (M-commerce app), சில்லரை சரக்கு மென்பொருள் ஒன்றையும் (Retail Inventory Software) தொடங்கியுள்ளது.
- அனைத்துப் பகுதிகளிலும் பழங்குடியினர் தயாரிப்புப் பொருட்கள் கிடைப்பதை உறுதி செய்வதற்காக TRIFED அமைப்பானது அமேசான், ஸ்நாப்டீல், பிளிப்கார்ட், பே-டிஎம், போன்ற பல்வேறு மின்வர்த்தக இணையமேடைகளுடன் பல்வேறு ஒப்பந்தங்களை மேற்கொண்டு வருகின்றது.
- மத்தியப் பழங்குடியினர் விவகாரத்துறை அமைச்சகத்தின் கோரிக்கையினைத் தொடர்ந்து மத்திய வர்த்தகத்துறை அமைச்சகமானது அரசு மின்-சந்தையிடத்தில் (Government e-Marketplace - GeM) TRIFED நிறுவனம் மூலம் பழங்குடியின உற்பத்திப் பொருட்களை விற்க முன்னேற்பாடுகளை மேற்கொண்டுள்ளது.
TRIFED
- இந்திய பழங்குடியினர் கூட்டுறவு சந்தைப்படுத்துதல் மேம்பாட்டுக் கூட்டமைப்பு நிறுவனமானது மத்திய பழங்குடியினர் விவகாரத்துறை அமைச்சகத்தின் கீழ் செயல்படுகின்ற ஓர் பன் – மாநில கூட்டுறவுச் சங்கமாகும் (multi-State Cooperative Society) .
- இதன் தலைமையகம் புது தில்லியில் அமைந்துள்ளது.
- TRIFED ஆனது, பன்மாநில கூட்டுறவுச் சங்கங்கள் சட்டம் 1984-ன் (தற்பொழுது பன்-மாநில கூட்டுறவு சங்கங்கள் சட்டம், 2002- Multi-State Cooperative Societies Act, 2002) கீழ் அப்போதைய நல்வாழ்வுத்துறை அமைச்சகத்தால் (Ministry of Welfare) ஆகஸ்ட் 1987 அன்று ஏற்படுத்தப்பட்டது.
Leave a Reply
Your Comment is awaiting moderation.