நிதியியல் பொறுப்புடைமை மற்றும் நிதிநிலை மேலாண்மை (FRBM - Fiscal Responsibility and Budget Management) சட்டத்தின் கீழ் கேரளாவிற்குச் சலுகை வழங்குமாறு மத்திய அரசிடம் அம்மாநில முதல்வர் வேண்டுகோள் விடுத்துள்ளார்.
இது ஏப்ரல் 1 ஆம் தேதியில் இருந்து தொடங்கும் அடுத்த நிதியாண்டில் மாநிலத்தின் நிதிநிலைமையானது மிகப்பெரிய அளவில் பாதிப்பு ஏதும் அடையாமல் இருப்பதை உறுதி செய்வதை நோக்கமாகக் கொண்டு உள்ளது.
அவசர கால நிவாரணத் திட்டத்திற்கு நிதியளித்து உதவுவதற்காக, ஏப்ரல் மாதத்திலேயே சந்தையிலிருந்து ரூ.12,500 கோடி கடனைப் பெற கேரளா பரிந்துரைத்துள்ளது.
இந்தச் சட்டமானது பொதுவாக அறியப்படும் “விடுபடு பிரிவு” (escape clause) என்ற ஒன்றைக் கொண்டுள்ளது.
FRBM பற்றி
FRBM சட்டம், 2003 ஆனது நிதிப் பற்றாக்குறையைக் குறைப்பதற்காக நிதியியல் ஒழுங்குமுறைகளை ஏற்படுத்தியுள்ளது.
இந்தச் சட்டத்தின் நீண்ட கால நோக்கம் என்பது இந்தியாவிற்கான நிதியியல் நிலைத் தன்மையை அடைவது மற்றும் இந்தியாவில் பணவீக்கத்தைக் கையாளுவதற்காக ரிசர்வ் வங்கிக்குத் தேவையான அதிகாரங்களை வழங்குவது ஆகியவனவாகும்.
இந்தச் சட்டத்தின் கீழ், மத்திய அரசானது சிலபல காரணங்களைக் காரணம் காட்டி வருடாந்திர நிதிப்பற்றாக்குறை இலக்கை மீறலாம்.
தேசியப் பாதுகாப்பு, போர், தேசியப் பேரிடர், விவசாய நிலை சீர்குலைதல், அடிப்படைக் கட்டமைப்புச் சீர்திருத்தங்கள் மற்றும் முந்தைய 4 காலாண்டுகளின் சராசரி விகிதத்தை விட குறைந்தது 3 புள்ளிகள் குறைவாக தற்போதைய காலாண்டின் நேரடி வளர்ச்சிக் குறைவு ஆகியவை அதற்கான காரணங்களாகும்.