G20 மாநாடு

July 1 , 2019 1880 days 1430 0

14வது G20 மாநாடானது ஜப்பானின் ஒசாகா நகரத்தில் ஜூன் 28 மற்றும் 29 ஆகிய தேதிகளில் நடைபெற்றது.
G20 உறுப்பினர்களில் அமெரிக்காவைத் தவிர ஏனைய 19 உறுப்பினர்களும் பாரீஸ் காலநிலை ஒப்பந்தத்தின் முழு அமலாக்கத்தின் மீதான அவர்களின் நிலைப்பாட்டை மீண்டும் உறுதிப்படுத்தினர். மேலும் பரந்த அளவிலான பசுமைத் தொழில்நுட்பங்கள் மற்றும் அணுகுமுறைகளை நோக்கவும் அவர்கள் ஒப்புக் கொண்டுள்ளனர்.
G20 நாடுகளின் தலைவர்கள் உலகளாவிய அளவிலான முக்கியப் பொருளாதார சவால்களை எதிர்கொள்ள ஒன்றிணைந்த முயற்சிகளை மேற்கொள்வதற்கான “ஒசாகா பிரகடனத்தை” வெளியிட்டனர்.
இந்த உச்சி மாநாட்டிற்கு முன்னதாக ஜப்பான் - அமெரிக்கா – இந்தியா (JAI / Japan-America - India) ஆகிய நாடுகளுக்கிடையேயான முத்தரப்புப் பேச்சுவார்த்தை ஒசாகாவில் நடைபெற்றது.
அதேபோல் ரஷ்யா - இந்தியா- சீனாவிற்கு (RIC / Russia – India - China) இடையேயான முத்தரப்புப் பேச்சுவார்த்தையும் நடைபெற்றது.
ஜப்பானியப் பிரதமரான ஷின்ஸோ அபேவால் அறிவிக்கப்பட்ட “ஒசாகா பாதை” என்ற அறிக்கைக்கு 24 நாடுகள் மற்றும் குழுக்கள் கையொப்பமிட்டன.
இந்தியா, இந்தோனேசியா, எகிப்து மற்றும் தென்னாப்பிரிக்கா ஆகிய நாடுகள் இதில் கையொப்பமிடவில்லை.
“ஒசாகா பாதை” என்பது மேம்படுத்தப்பட்ட பாதுகாப்புகளுடன் எல்லைத் தாண்டிய தரவு ஓட்டத்தை மேம்படுத்துவதற்கான ஒரு கட்டமைப்பாகும்.
இந்த மாநாடானது கீழ்க்காணும் 8 கருத்துருக்களின் கீழ் நடைபெற்றது.

1. உலகளாவிய பொருளாதாரம்	5. வேலைவாய்ப்பு
2. வர்த்தகம் மற்றும் முதலீடு	6. பெண்களுக்கு அதிகாரமளித்தல்
3.புத்தாக்கம்	7. வளர்ச்சி
4. சுற்றுச்சூழல் மற்றும் ஆற்றல்	8.சுகாதாரம்