PREVIOUS
✖
GRAP நிலை II
October 29 , 2023
397 days
285
0
- அக்டோபர் 23 ஆம் தேதியன்று 306 என்ற காற்றுத் தரக் குறியீட்டுடன் (AQI) டெல்லியில் காற்றின் தரமானது, ‘மிகவும் மோசமான’ நிலையை அடைந்துள்ளது.
- இரண்டாம் நிலை அல்லது தரப்படுத்தப்பட்ட எதிர் நடவடிக்கை செயல் திட்டத்தின் (GRAP) மிகவும் மோசமான நிலையானது டெல்லியின் தேசிய தலைநகர் பகுதி முழுவதும் உடனடியாக அமலுக்கு வந்தது.
- GRAP திட்டத்தின் முதல் நிலை ஆனது டெல்லியின் தேசிய தலைநகர் பகுதி முழுவதும் அக்டோபர் 06 ஆம் தேதியன்று அமலாக்கப்பட்டது.
- தரப்படுத்தப்பட்ட எதிர் நடவடிக்கை செயல் திட்டம் (GRAP) என்பது பொதுவாக குளிர் காலத்தில் டெல்லியின் தேசிய தலைநகர் பகுதி முழுவதும் செயல்படுத்தப் படுகின்ற காற்று மாசுபாடு எதிர்ப்பு நடவடிக்கைகளின் தொகுப்பாகும்.
- தரப்படுத்தப்பட்ட எதிர் நடவடிக்கை என்ற செயல்திட்டத்தின் கீழ், அரசாங்கம் பல்வேறு நடவடிக்கைகளை அறிமுகப்படுத்துகிறது.
- காலாவதியான வாகனங்களை இயக்குவதற்கான பல கடுமையானக் கட்டுப்பாடுகள் மற்றும் காற்றுத் தரக் குறியீடு 200 என்பதினைத் தாண்டி மாசு வெளியிடும் தங்கும் விடுதிகள், உணவகங்களில் நிலக்கரி மற்றும் விறகுகளைப் பயன்படுத்துவதற்கான தடைகள் ஆகியவையும் இதில் அடங்கும்.
- தரப்படுத்தப்பட்ட எதிர் நடவடிக்கை செயல் திட்டத்தின் நான்கு வெவ்வேறு நிலைகள்.
- 'மோசமான' காற்றுத் தரக் குறியீடு (201-300) பதிவாகும் போது நிலை 1 செயல் படுத்தப் படுகிறது;
- 'மிக மோசமான' காற்றுத் தரக் குறியீடு (301-400) பதிவாகும் போது நிலை 2;
- 'கடுமையான' காற்றுத் தரக் குறியீடு (401-450) பதிவாகும் போது நிலை 3; மற்றும்
- 450க்கு மேல் ‘மிகக் கடுமையான’ காற்றுத் தரக் குறியீடு பதிவாகும் போது நிலை 4 செயல்படுத்தப்படுகிறது.
Leave a Reply
Your Comment is awaiting moderation.