சர்வதேச கடல்சார் அமைப்பானது (International Maritime Organization - IMO) “IMO 2020” எனப்படும் புதிய விதிமுறைகளை முன்வைத்துள்ளது.
IMO 2020 விதிமுறையானது 0.5 சதவீதத்திற்கு மேல் கந்தகம் அல்லது சல்பரைக் கொண்ட எரிபொருட்களைப் பயன்படுத்துவதைத் தடை செய்கின்றது. இதற்கு முன்பு சல்பரின் அளவானது 3.5 சதவீதமாக இருந்தது.
துப்புரவாக்கிகள் என அழைக்கப்படும் சல்பர் - துப்புரவு சாதனங்களுடன் பொருத்தப்பட்ட கப்பல்கள் மட்டுமே உயர் சல்பர் எரிபொருளைத் தொடர்ந்து எரிக்க அனுமதிக்கப் படுகின்றன.
கடல் வாயு எண்ணெய் (marine gas oil - MGO) மற்றும் மிகக் குறைந்த அளவு சல்பரைக் கொண்ட எரிபொருள் எண்ணெய் (very low-sulphur fuel oil - VLSFO) போன்ற தூய்மையான எரிபொருட்களைக் கப்பல்கள் தேர்வு செய்யலாம்.
IMO பற்றி
ஐக்கிய நாடுகள் சபையின் ஒரு சிறப்பு நிறுவனமான IMO ஆனது சர்வதேசக் கப்பல் போக்குவரத்து மற்றும் கப்பல்களில் இருந்து வெளிப்படும் மாசுக்களைத் தடுக்கும் பணியை மேற்கொள்ளுகின்றது.
இது 1948 ஆம் ஆண்டில் நிறுவப்பட்டது. இது ஐக்கிய இராஜ்ஜியத்தில் உள்ள லண்டனைத் தலைமையிடமாகக் கொண்டுச் செயல்படுகின்றது.