ஷாங்காய் ஒத்துழைப்பு அமைப்பின் (SCO - Shanghai Cooperation Organization) இரண்டாவது வெகுஜன ஊடகக் கூட்டம் பிஷ்கெக்கில் (கிர்கிஸ்தானின் தலைநகரம்) நடத்தப்பட்டது.
SCO உறுப்பு நாடுகளைச் சேர்ந்த வெகுஜன ஊடக அமைப்புகளுக்கிடையே கூட்டிணைவுகளை வெற்றிகரமாக ஏற்படுத்துவதற்கு வலியுறுத்தும் “ஊடகக் கூட்டத்தின் தீர்மானத்தை” அதன் உறுப்பு நாடுகள் ஏற்றுக் கொண்டன.
இந்தியாவின் சார்பாக மத்திய தகவல் ஒளிபரப்புத் துறையிலிருந்து ஒரு பிரதிநிதி இந்த சர்வதேசக் கூட்டத்தில் இந்தியாவைப் பிரதிநிதித்துவப் படுத்துகின்றார்.
SCO மற்றும் SCO வெகுஜன ஊடகக் கூட்டம்
SCO என்பது யுரேசியாவின் அரசியல், பொருளாதார மற்றும் பாதுகாப்புக் கூட்டிணைவாகும்.
இது 2001 ஆம் ஆண்டு ஜுன் 15 அன்று சீனாவின் ஷாங்காயில் தொடங்கப்பட்டது.
இது சீனா, கஜகஸ்தான், கிர்கிஸ்தான், ரஷ்யா, தஜிகிஸ்தான் மற்றும் உஸ்பெகிஸ்தான் ஆகிய நாடுகளினால் உருவாக்கப்பட்டது.
தற்பொழுது இது 8 உறுப்பு நாடுகள் மற்றும் 4 பார்வையாளர் நாடுகளைக் கொண்டுள்ளது.
2018 ஆம் ஆண்டு ஜுன் 01 அன்று சீனாவின் பெய்ஜிங்கில் முதலாவது SCO ஊடக மாநாடு நடத்தப்பட்டது.
இது SCO அமைப்பில் உள்ள உறுப்பு நாடுகளுக்கிடையே வெகுஜன ஊடகத் துறையில் பரிமாற்றம் மற்றும் ஒத்துழைப்பு ஆகியவற்றை வலுப்படுத்துவதை நோக்கமாகக் கொண்டுள்ளது.