கிர்கிஸ்தானின் தலைநகரான பிஷ்கெக்கில் நடைபெற்ற ஷாங்காய் ஒத்துழைப்பு அமைப்பு (SCO - Shanghai Cooperation Organisation) மாநாட்டில் இந்தியப் பிரதமர் நரேந்திர மோடி கலந்து கொண்டார்.
தேர்தலுக்குப் பிறகு பிரதமராகப் பதவியேற்ற பின்பு இவருடைய முதலாவது பன்னாட்டுப் பங்கெடுப்பு இதுவாகும்.
அவர் SCO-ன் பிராந்தியத் தீவிரவாத எதிர்ப்பு அமைப்பின் கீழ் (Regional Anti-Terrorist Structure - RATS) சர்வதேசத் தீவிரவாதத்திற்கு எதிராக ஒருங்கிணைந்த நடவடிக்கைகளை மேற்கொள்ளுமாறு உறுப்பு நாடுகளைக் கேட்டுக் கொண்டுள்ளார்.
SCO
SCO என்பது அரசாங்கங்களுக்கிடையேயான ஒரு நிரந்தர சர்வதேச அமைப்பாகும்.
இது ஒரு யுரேசியாவின் அரசியல், பொருளாதார மற்றும் பாதுகாப்புக் கூட்டிணைவாகும்.
இது 2001 ஆம் ஆண்டில் ஏற்படுத்தப்பட்டது. இதற்கு முன்பு ஷாங்காய் 5 என்ற அமைப்பாக இது செயல்பட்டது.
SCO-ன் முதன்மையான முடிவெடுக்கும் அமைப்பு உறுப்பு நாடுகளின் தலைவர்களைக் கொண்ட குழுவாகும்.
இது 8 நிரந்தர உறுப்பு நாடுகளைக் கொண்டுள்ளது.
SCO-ல் பார்வையாளர் நாடுகளாக ஆப்கானிஸ்தான், பெலாரஸ், ஈரான் மற்றும் மங்கோலியா ஆகிய நாடுகள் உள்ளன.