இந்திய விண்வெளி நிறுவனமான இஸ்ரோ நிறுவனம் பிரான்சின் விண்வெளி நிறுவனமான CNES அமைப்புடன், மனிதனை விண்வெளிக்கு அனுப்பும் இந்தியாவின் முதல் திட்டமான ககன்யானுக்காக இணைந்துப் பணியாற்றுவதற்காக ஒப்பந்தம் ஒன்றினில் கையெழுத்திட்டுள்ளது.
CNES நிறுவனம் பிரான்சின் பயிற்சித் தளங்களில் இந்திய விமானப் பொறியியலாளர்கள் மற்றும் CAPCOM திட்டக் கட்டுப்பாட்டுக் குழுவினர் ஆகியோருக்குப் பயிற்சி அளிக்கும்.
தேசியப் புத்தாக்க நிறுவன ஆலோசனை மன்றத்தின் (National Startup Advisory Council - NSAC) முதல் சந்திப்பானது சமீபத்தில் நடைபெற்றது.
இது தொழில்துறை மற்றும் உள்நாட்டு வர்த்தக ஊக்குவிப்புத் துறையினால் (DPIIT - Department for Promotion of Industry and Internal Trade) அமைக்கப்பட்டது.
ஐக்கிய நாடுகள் பொதுச் சபையானது, முதன்முறையாக ஐ.நா. உணவு அமைப்புகள் உச்சி மாநாட்டினை 2021 ஆம் ஆண்டின் செப்டம்பர் மாதத்தில் நடத்த உள்ளதாக அறிவித்துள்ளது.
இந்த உச்சி மாநாட்டில் இந்தியா தேசிய அளவிலான ஒரு பேச்சுவார்த்தையை மேற்கொள்ளும்.
சர்வதேச நாணய நிதியமானது சமீபத்தில் துணை சஹாரா ஆப்பிரிக்கப் பகுதிகளுக்கான பிராந்திய பொருளாதாரக் கண்ணோட்டத்தை வெளியிட்டது.
இந்த அறிக்கையின்படி, 2021 ஆம் ஆண்டில் உலகின் மிகவும் மெதுவான வளர்ச்சியினை இப்பகுதி காண உள்ளது.
தேசியப் புலனாய்வு அமைப்பானது BRICS நாடுகளுடன் இணைந்து தீவிரவாதிகள் இணைய தளங்களைத் தவறாக பயன்படுத்துதல் (Misuse of Internet by terrorists) எனும் தலைப்பில் ஒரு காணொலி நிகழ்வை சமீபத்தில் ஏற்பாடு செய்தது.
2021 ஆம் ஆண்டிற்கான BRICS அமைப்பின் தலைமைப் பொறுப்பினை இந்தியா வகிப்பதால் இந்தக் கருத்தரங்கினை இந்தியா நடத்தியது.
பிரதமர் நரேந்திர மோடி அவர்கள் ஜோர்டனின் ஹேஷ்மைத் பேரரசின் இரண்டாம் அப்துல்லாவிற்கும் மற்றும் அந்நாட்டு மக்களுக்கும் அந்நாடு நிறுவப்பட்ட 100 ஆம் ஆண்டு நிறைவு விழாவிற்கான வாழ்த்துகளைத் தெரிவித்தார்.
ஐக்கிய அரபு அமீரகமானது ரசீத் (Rashid) எனப்படும் ஒரு சுற்றித் திரியும் ஊர்தியினை (ரோவர்) 2024 ஆம் ஆண்டில் நிலவுக்கு அனுப்ப உள்ளது.