கோவிட்-19 பெருந்தொற்றினாலும் அதன் இரண்டாவது அலையினாலும் இந்தியாவில் ஏற்பட்ட இறப்புகளின் எண்ணிக்கை 3 லட்சத்தைத் தாண்டியுள்ளது.
இத்துடன் அமெரிக்கா மற்றும் பிரேசில் ஆகிய நாடுகளின் வரிசையில் இந்த எண்ணிக்கையைக் கடந்த மூன்றாவது நாடாக இந்தியா மாறியுள்ளது.
வின்டோஸ் 10 மென்பொருளின் சில பதிப்புகளில் இன்டர்நெட் எக்ஸ்ப்ளோரர் 11 எனும் கணினி உலாவிகள் (Browser) 2022 ஆம் ஆண்டு ஜுன் 15 ஆம் தேதி முதல் செயல்படாது என மைக்ரோசாஃப்ட் நிறுவனம் சமீபத்தில் அறிவித்துள்ளது.
இருப்பினும் இன்டர்நெட் எக்ஸ்ப்ளோரரைச் சார்ந்த இணையதளங்கள் மற்றும் செயலிகள் 2029 ஆம் ஆண்டு வரை “New Microsoft Edge” எனும் செயல்முறையில் இயங்கும் என அறிவிக்கப் பட்டுள்ளது.
ஐக்கிய நாடுகள் அமைப்பானது 2021 ஆம் ஆண்டு மே 25 முதல் மே 31 வரை சுயராஜ்ஜியமற்ற பிராந்திய மக்களுடனான சர்வதேச ஒற்றுமை வாரத்தினை (International Week of Solidarity with the Peoples of Non-Self-Governing Territories) அனுசரிக்கிறது.
ஐக்கிய நாடுகள் அமைப்பின் சாசனத்தின் படி, சுயராஜ்ஜியமற்ற பிராந்தியங்கள் என்பது மக்கள் முழு அளவிலான சுயராஜ்ஜியத்தை அடையாத பிராந்தியங்கள் ஆகும்.
நாய்களிடமிருந்து தோன்றியிருக்கலாம் என நம்பப்படும் CCoV-HuPn-2018 எனும் புதிய வகை கொரோனா வைரசானது 2017-2018 ஆம் ஆண்டில்நிமோனியா நோய் சிகிச்சைக்காக வேண்டி மருத்துவமனையில் அனுமதிக்கப்பட்டு இருந்த சில நோயாளிகளிடம் கண்டுபிடிக்கப் பட்டது.
இது ஒரு நோய்க் கிருமி என உறுதி செய்யப்பட்டால் மனிதனில் நோயை உண்டாக்கக் கூடிய தனித்துவம் வாய்ந்த எட்டாவது கொரோனா வைரஸ் வகையாக இது இருக்கும்.
ஹரியானாவின் முதலமைச்சரான மனோகர் லால் கட்டார் அவர்கள் ‘சஞ்சீவனி பரியோஜனா’ எனும் திட்டத்தைத் தொடங்கி வைத்தார்.
கிராமப்புறப் பகுதிகளில் லேசானது முதல் மிதமான அறிகுறிகளை உடைய மக்கள் தங்கள் வீட்டை விட்டு வெளியேறி மருத்துவமனைக்குச் செல்லாமலேயே விரைவான மருத்துவ சேவைகளைப் பெறுவதற்கு இந்த முன்னெடுப்பானது வழிவகை செய்யும்.
2021 ஆம் ஆண்டிற்கான பில்போர்டு இசை விருதுகள் மே 23 ஆம் தேதியன்று நிறைவடைந்தது.
இந்த ஆண்டு BTS இசைக் குழுவானது முன்னணி இரட்டை/குழு, விற்பனையில் முன்னணியிலுள்ள பாடல் கலைஞர், முன்னணி சமூக கலைஞர் மற்றும் விற்பனையில் முன்னணியிலுள்ள பாடல் போன்றவற்றிற்குப் பரிந்துரைக்கப் பட்டு அந்த நான்கு விருதுகளையும் வென்றது.