அரசிற்கான தலைமை அறிவியல் ஆலோசகரின் அலுவலகமானது “இந்தியாவிற்கான Project O2திட்டம்”எனும் திட்டத்தைத் தொடங்கி வைத்துள்ளது.
ஜியோலைட்டுகள் போன்ற முக்கியமான மூலப் பொருட்களின் வழங்கீடு, காற்றழுத்த சாதனத் தயாரிப்பு மற்றும் சிறிய ஆக்சிஜன் உற்பத்தி ஆலைகளை அமைத்தல் போன்றவற்றை உறுதி செய்வதை இது நோக்கமாகக் கொண்டுள்ளது.
இந்திய நாட்டைச் சேர்ந்த நாகராஜ் அடிகா என்பவர் ஆசிய-ஓசியானியா பகுதியின் பிரதிநிதியாக (Asia-Oceania Representative) தேர்ந்தெடுக்கப்பட்டுள்ளார்.
சமீபத்தில் நடைபெற்ற 2021 ஆம் ஆண்டு சர்வதேச அதிதொலைவு ஓட்டப்பந்தய வீரர்கள் கூட்டமைப்பின் (International Association of Ultrorunners – IAU) மாநாட்டில் இவர் தேர்ந்தெடுக்கப் பட்டார்.
நோபல் பரிசு பெற்ற அமர்த்தியா சென் அவர்கள் “Home in the world” எனும் தனது வாழ்க்கை வரலாற்றுக் குறிப்பினை எழுதியுள்ளார்.
இந்தப் புத்தகமானது ஜூலை மாதத்தில் பெங்குயின் ரான்டம் ஹவுஸ் எனும் பதிப்பகத்தினால் வெளியிடப்பட உள்ளது.
கொரோனா பெருந்தொற்று காலத்தின் மத்தியில் உலகில் முகக்கவசம் அணியாத முதலாவது நாடு எனும் நிலையை இஸ்ரேல் அடைய உள்ளது.
இது இஸ்ரேலின் சுகாதார அமைச்சரான யூலி ஈடெல்ஸ்டெய்ன் (Yuli Edelstein) என்பவரால் அறிவிக்கப் பட்டது.