டோக்கியோ ஒலிம்பிக் போட்டிகளில் நான்கு புதிய விளையாட்டுப் போட்டிகள் அறிமுகப் படுத்தப் பட்டுள்ளன.
அவை கராத்தே (தற்காப்புக் கலை), கடல் அலை சறுக்கு (surfing), ஸ்கேட்போர்டிங் மற்றும் உயரம் ஏறுதல் போட்டி (Sport Climbing) ஆகியனவாகும்.
முன்னாள் தேர்தல் ஆணையர் அசோக் லவாசா, “An Ordinary Life : Portrait of an Indian Generation” எனும் ஒரு புத்தகத்தை வெளியிட்டுள்ளார்.
அசோக் லவாசா ஆசிய மேம்பாட்டு வங்கியின் துணைத் தலைவராக பொறுப்பபேற்பதற்காக வேண்டி 2020 ஆம் ஆண்டில் தனது தேர்தல் ஆணையர் பொறுப்பை ராஜினாமா செய்தார்.
நவீன் பட்நாயக் தலைமையிலான ஒடிசா மாநில அரசானது இந்தியாவிலேயே நகரம் முழுவதும் பாதுகாப்பான குடிநீர் வசதியைக் கொண்ட முதல் நகரம் என்று பூரி நகரை அறிவித்துள்ளது.
ரஷ்யாவில் நடைபெற உள்ள ஒரு விண்வெளிப் பயிற்சியில் பங்கேற்க வேண்டி அரியலூர் மாவட்டத்தைச் சேர்ந்த ரக்சயா மற்றும் வேதஸ்ரீ ஆகியோர் தேர்வு செய்யப் பட்டுள்ளனர்.
அவர்கள் திருமனூர் அரசு உயர்நிலைப்பள்ளியில் 11 ஆம் வகுப்பு படிக்கின்றனர்.