சர்வதேச நாணய நிதியமானது, கோவிட் – 19 பெருந்தொற்றின் இரண்டாவது அலையின் காரணமாக 2021 – 22 ஆம் நிதி ஆண்டிற்கான இந்தியாவின் மொத்த உள்நாட்டு உற்பத்தி மீதான வளர்ச்சியினை 9.5% ஆக கணித்துள்ளது.
இதற்கு முன்பாக இந்தியாவின் மொத்த உள்நாட்டு உற்பத்தியின் வளர்ச்சியானது 12.5% ஆக கணிக்கப் பட்டிருந்தது.
பாதுகாப்புத் துறைஅமைச்சகத்தின், கீழ்இயங்கும்இராணுவஉற்பத்தித்துறையானது ‘சிறப்பானஇராணுவ அமைப்பிற்கான புதிய கண்டுபிடிப்புகள்’ (Innovations for Defence Excellence (iDEX)) எனும்மத்தியஅரசின்திட்டத்திற்குஒப்புதல்வழங்கியுள்ளது.
சுமார் 300 சிறு, குறு மற்றும் நடுத்தர நிறுவனங்கள், புத்தாக்க நிறுவனங்கள் மற்றும் புதுமைப் படைப்பாளர்களுக்கும், சுமார் 20 பங்குதாரர் புத்தாக்க நிறுவன அமைப்புகளுக்கும் பாதுகாப்பு புதுமை கண்டுபிடிப்பு அமைப்பின் மூலம் வேண்டிய நிதி உதவியை வழங்குவதே இத்திட்டத்தின் முதன்மை நோக்கமாகும்.
திவ்யா நயன் (Divya Nayan) என்ற பெயரில் பார்வையற்றோருக்கான தனிப்பட்ட வாசிப்புக் கருவியை சண்டிகரிலுள்ள சிஎஸ்ஐஆர்-மத்திய அறிவியல் கருவிகள் நிறுவனம் (CSIR-Central Scientific Instruments Organisation (CSIO)) உருவாக்கியுள்ளது.
இந்தக் கருவியைப் பயன்படுத்தி, எந்த அச்சிடப்பட்ட அல்லது டிஜிட்டல் ஆவணத்தையும் குரல் வழியாக அணுகலாம்.
2021 ஆம் நிதியாண்டில் கடன்களைத் தள்ளுபடி செய்த பொதுத்துறை வங்கிகளின் பட்டியலில் ஸ்டேட் பாங்க் ஆஃப் இந்தியா (State Bank of India) முதலிடத்தில் உள்ளது.
இரண்டாம் மற்றும் மூன்றாம் இடங்களை முறையே யூனியன் பாங்க் ஆஃப் இந்தியா மற்றும் பஞ்சாப் நேஷனல் வங்கி ஆகியவை பெற்றுள்ளன.