தமிழ்நாடு நகர்ப்புற மேம்பாட்டு வாரியத்தின் மூலம் வழங்கப்படும் வீடுகள் இனி குடும்பத் தலைவிகளின் பெயரில் மட்டுமே வழங்கப்படும் என முதலமைச்சர் மு.க. ஸ்டாலின் அவர்கள் அறிவித்துள்ளார்.
தமிழ்நாடு நகர்ப்புற மேம்பாட்டு வாரியமானது முன்னதாக குடிசை மாற்று வாரியம் என அழைக்கப்பட்டது.
வீரமங்கை வேலுநாச்சியார் பெயரிலான விருதானது தகுதி வாய்ந்த மாணவிகளுக்கு வழங்கப் படும் என சென்னைப் பல்கலைக்கழகம் அறிவித்துள்ளது.
2021 ஆம் ஆண்டு WAN-IFRA தெற்காசிய டிஜிட்டல் ஊடக விருது விழாவில், இந்துக் குழுமம் தொடர்ந்து 2வது ஆண்டாக, “ஆண்டின் சிறந்தப் பதிப்பாளர் நிறுவனம்” என்ற ஒரு விருதினைப் பெற்றுள்ளது.
உலகப் பத்திரிகை வெளியீட்டு நிறுவனங்கள் சங்கமானது உலகப் பத்திரிகை நிறுவனங்களின் ஒரு உலக அமைப்பாகும்.
இந்த ஆண்டு முழுவதும் தான் பங்கு பெறும் டென்னிஸ் போட்டிகளில் பெறும் பரிசுத் தொகையை உக்ரைனுக்கான UNICEF நிதிக்கு வழங்குவதாக ஆன்டி முர்ரே என்பவர் கூறி உள்ளார்.