TNPSC Thervupettagam
✖
 
21, Apr 2025
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

April 9 , 2025 12 days 79 0
  • தேசியப் பசுமை தீர்ப்பாயம் ஆனது, இரண்டு நாட்கள் அளவிலான 2025 ஆம் ஆண்டு தேசிய சுற்றுச்சூழல் மாநாட்டினை புது டெல்லியில் ஏற்பாடு செய்துள்ளது.
  • ஸ்ரீ அனந்த்பூர் சாஹிப்பில் உள்ள ஜஜ்ஜர்-பச்சௌலி வனவிலங்கு சரணாலயத்தினை சுற்றுச்சூழல் சார் சுற்றுலா மையமாகவும், பஞ்சாப் மாநிலத்தில் சுற்றுப் பயணம் மேற் கொள்ளும் வகையிலான முதல் சிறுத்தைப் பூங்காவினையும் உருவாக்க பஞ்சாப் மாநில அரசு திட்டமிட்டுள்ளது.
  • ‘2030 ஆம் ஆண்டு உலகளாவிய வன மேம்பாட்டுத் தொலைநோக்குத் திட்டம் (GFV): 2025 ஆம் ஆண்டில் அரசாங்கங்களுக்கான முன்னுரிமை நடவடிக்கைகள்’ என்ற அறிக்கை சமீபத்தில் Forest Declaration Assessment எனும் அமைப்பினால் வெளியிடப்பட்டது.
  • கடந்த 15 ஆண்டுகளில் சுமார் 320 சர்வதேச விளையாட்டுகளில் பங்கேற்பு மற்றும் 158 கோல்களுக்குப் பிறகு இந்திய மகளிர் ஹாக்கி வீராங்கனையான உத்தரகாண்டினைச் சேர்ந்த வந்தனா கட்டாரியா சமீபத்தில் ஓய்வு பெற உள்ளதாக அறிவித்துள்ளார்.
  • பெல்ஜியம் நகரில் நடைபெற்ற புகழ்பெற்ற அசெல்ஹோஃப் CSI லியர் குதிரையேற்றப் போட்டியில் இளம் இந்தியக் குதிரையேற்றத் தடகள வீராங்கனையான நிஹாரிகா சிங்கானியா முதல் இடத்தைப் பிடித்துள்ளார்.
  • பாரத் சஞ்சார் நிகாம் லிமிடெட் (BSNL) கழகம் 2025 ஆம் ஆண்டு ஏப்ரல் மாதத்தினை “வாடிக்கையாளர் சேவை மாதம்” என்று அறிவித்துள்ளது.
  • பாதுகாப்புத் துறை அமைச்சகம் ஆனது, தெலுங்கானா மாநிலத்தின் அடிலாபாத் விமான நிலையத்தினைப் பொது விமான நடவடிக்கைகளுக்குப் பயன்படுத்துவதற்கு கொள்கை ரீதியான ஒப்புதலை அளித்துள்ளது.
  • ஆந்திரப் பிரதேச மாநிலத்தின் ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் (SDSC) மூன்றாவது ஏவுதளத்தை (TLP) நிறுவுவதற்கு மத்திய அமைச்சரவை ஒப்புதல் அளித்துள்ளது.
  • சுமார் 2,000 kN (கிலோ நியூட்டன்) அதிக உந்துதல் கொண்ட பகுதியளவு மீக்குளிர் நிலையிலான இயந்திரம் அல்லது திரவ ஆக்ஸிஜன் / மண்ணெண்ணெய் இயந்திரம் என்பதின் வடிவமைப்பு மற்றும் உருவாக்கத்தில் ஒரு குறிப்பிடத்தக்க முன்னேற்றம் ஏற்பட்டுள்ளதாக இஸ்ரோ அறிவித்துள்ளது.
    • இது மார்க்-3 (LVM3) ஏவுதள வாகனத்தின் பகுதியளவு மீக்குளிர் நிலையிலான ஏவுகல உந்திகள் நிலைக்கு ஆற்றல் அளிக்கும்.

Post Views:
79

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்