2020 ஆம் ஆண்டிற்கான உலகத் தேனீக்கள் தினத்திற்கான கருத்துரு, “தேனீக்கள் ஈடுபடுதல்” என்பதாகும்.
உணவு மற்றும் வேளாண் அமைப்பின் தரவுத் தளத்தின்படி, 2017-18 ஆம் ஆண்டிற்கான தேன் உற்பத்தியில் உலக அளவில் இந்தியா (64.9 ஆயிரம் டன்கள்) எட்டாவது இடத்தில் உள்ளது. தேன் உற்பத்தியில் 551 ஆயிரம் டன்களுடன் சீனா முதலிடத்தில் உள்ளது.
“கே.கே.ஆர்” என்ற நியூயார்க்கில் உள்ள ஒரு தனியார் பங்கு நிறுவனமானது ஜியோ தளத்தில் 2.32% பங்கிற்காக 1.5 பில்லியன் அமெரிக்க டாலரை முதலீடு செய்யவுள்ளதாக அறிவித்துள்ளது.
முகநூல், சில்வர் லேக், விஸ்டா பங்குதாரர்கள் மற்றும் ஜெனரல் அட்லாண்டிக் ஆகிய நிறுவனங்களுக்குப் பிறகு ரிலையன்ஸ் ஜியோவில் மேற்கொள்ளப் பட்ட 5வது முதலீடு இதுவாகும்.
தெற்கு ஜெர்மனியில் உள்ள பிலிப்ஸ்பெர்க் அணு ஆற்றல் ஆலையை அந்த நிறுவனத்தின் இயக்குனர்கள் மூடத் தொடங்கியுள்ளனர்.
ஜெர்மனி ஆறிற்கும் மேற்பட்ட அணு ஆலைகளைக் கொண்டுள்ளது. ஆனால் இவை 2022 ஆம் ஆண்டின் இறுதியில் மூடப்பட இருக்கின்றன.
கொரானா வைரஸின் காரணமாக இந்தியா முழுவதும் அமல்படுத்தப் பட்டுள்ள பொது முடக்கம் நீக்கப்பட்ட பின்பு படிப்படியாக விளையாட்டுப் பயிற்சிகளை மீண்டும் தொடங்குவதற்கு வேண்டி ஒரு தரநிலைச் செயல்பாட்டு நெறிமுறையை (SOP - Standard Operating Procedure) தயாரிப்பதற்காக 6 உறுப்பினர்கள் கொண்ட ஒரு குழுவை இந்திய விளையாட்டு ஆணையம் (SAI - Sports Authority of India) அமைத்து உள்ளது.
இது SAI-யின் செயலாளரான ரோகித் பரத்வாஜ் அவர்களால் தலைமை தாங்கப்பட இருக்கின்றது.
மன்னார் வளைகுடா கடல்சார் தேசியப் பூங்காவின் சுற்றுச்சூழல் பாதுகாப்பு மண்டலத்திற்குள் கடல்நீரைக் குடிநீராக்கும் ஒரு ஆலையை அமைப்பதற்கான ஒரு பரிந்துரைக்கு மத்திய சுற்றுச்சூழல் துறை அமைச்சகம் அனுமதி வழங்கியுள்ளது.
இந்தத் திட்டமானது ராமநாதபுரத்தின் கடலாடி தாலூகாவில் உள்ள குதிரைமொழி என்ற கிராமத்தில் அமைய இருக்கின்றது.
இந்தியப் பொருளாதார அறிஞரான அபாஸ் ஜா என்பவர் தெற்கு ஆசியப் பகுதியில் காலநிலை மாற்றம் மற்றும் பேரிடர் மேலாண்மை குறித்த ஒரு முக்கியமான பதவிக்கு உலக வங்கியால் நியமிக்கப் பட்டுள்ளார்.
தமிழ்நாட்டின் முன்னாள் முதல்வரான ஜெயலலிதாவின் இல்லமான “வேதா நிலையமானது” ஒரு நினைவு இல்லமாக மாற்றப்பட இருக்கின்றது.
இஸ்ரேல் நாடானது இந்தியக் கவிஞரான இரவீந்தரநாத் தாகூரின் பிறந்த தினத்தையடுத்து டெல் அவில் நகரில் உள்ள ஒரு தெருவிற்கு அவரது பெயரைச் சூட்டியுள்ளது.