வங்க தேசமானது திருநர் முஸ்லீம்களுக்காக என்று மதகுருக்களுடன் கூடிய தனது முதலாவது இஸ்லாமியப் பள்ளியைத் திறந்துள்ளது.
நொய்டா பெருநகர மெட்ரோவின் 50வது பிரிவு நிலையமானது திருநர் சமூகத்திற்கு என்று அர்ப்பணிக்கப் பட்டுள்ளது.
இது தற்பொழுது “வானவில் நிலையம்” என்றும் “பெருமை நிலையம்” என்றும் அழைக்கப் படும்.
மத்திய சாலைப் போக்குவரத்து மற்றும் நெடுஞ்சாலைத் துறை அமைச்சகமானது “துரிதச் சீட்டுகள்/பாஸ்ட் டேக்குகள்” (FASTAG) குறித்த ஒரு அறிவிக்கையை வெளியிட்டு உள்ளது.
இந்த அறிக்கையானது 2021 ஆம் ஆண்டு ஜனவரி 01 ஆம் தேதியிலிருந்து நான்கு சக்கர வாகனங்களுக்கு “பாஸ்டேக்குகளை” கட்டாயமாக்குகின்றது.
எடா என்ற ஒரு சூறாவளியானது கெளதிமாலாவில் கரையைக் கடந்தது.
இது ஒரு மத்திய அமெரிக்க நாடாகும்.
இந்தியத் தூதரான விதிஷா மைத்ரா என்பவர் நிர்வாகம் மற்றும் நிதிநிலைக் கேள்விகள் குறித்த ஐக்கிய நாடுகளின் ஆலோசனைக் குழுவிற்கு (Advisory Committee on Administrative and Budgetary Questions - ACABQ) தேர்ந்தெடுக்கப் பட்டுள்ளார்.
ACABQ ஆனது ஐக்கிய நாடுகளின் கீழ் உள்ள ஒரு துணை அமைப்பாகும்.
மத்திய ஜல் சக்தித் துறை அமைச்சரான கஜேந்திர சிங் ஷெகாவத் அவர்கள் நாட்டில் சூரிய ஒளியை அடிப்படையாகக் கொண்ட முதலாவது பல்முனை-கிராமக் குடிநீர் விநியோகத் திட்டத்தை அருணாச்சலப் பிரதேசத்தில் தொடங்கி வைத்துள்ளார்.
ஜப்பான் ஆனது டோக்கியோவில் நடைபெற்ற ரிகோஷி நோ ரேய் என்ற ஒரு நிகழ்ச்சியில் புமிஹிட்டோ கிரீடம் சூடியுள்ள பட்டத்து இளவரசர் அகிஷினோவை சிம்மாசனத்திற்கு உரிய வாரிசாக அறிவித்துள்ளது.
இவருடைய மூத்த சகோதரரான பேரரசர் நாருஹிட்டோ கடந்த ஆண்டு மன்னராக அறிவிக்கப் பட்டார்.
சூடான் நாடானது தீவிரவாதத்திற்கு ஆதரவளிப்போர் நாடுகளின் பட்டியலிலிருந்து நீக்கப் பட்டுள்ளது.
இது அமெரிக்காவினால் தயாரிக்கப்பட்ட ஒரு பட்டியலாகும்.
யூடியூப் அலைவரிசையில் நீதிமன்றச் செயல்பாடுகளை நேரலையில் ஒளிபரப்பிய முதலாவது உயர்நீதிமன்றம் குஜராத் உயர்நீதிமன்றம் ஆகும்.