உலக ஆய்வக விலங்குகளுக்கான தினம் ஒவ்வொரு வருடமும் ஏப்ரல் 24 ஆம் தேதியன்று கடைபிடிக்கப் படுகிறது (ஏப்ரல் 20 முதல் ஏப்ரல் 26 வரை ஆய்வக விலங்கு வாரம்).
இத்தினமானது 1979 ஆம் ஆண்டில் கூறாய்விற்கு எதிரான தேசியக் கழகத்தினால், ஆய்வகங்களில் பயன்படுத்தப்படும் விலங்குகளின் “சர்வதேச நினைவு நாளாக” தொடங்கப் பட்டது.
ஜெர்மனியிலிருந்து 23 ஆக்சிஜன் உற்பத்தி மையங்கள் மற்றும் கொள்கலன்கள், வான்வழியாக இந்தியாவிற்குக் கொண்டு வரப்பட உள்ளது.
தற்போது நிலவி வரும் தட்டுப்பாட்டினைப் போக்க ஜெர்மனியிலிருந்து ஆக்சிஜன் உற்பத்தி மையங்கள் மற்றும் கொள்கலன்களை இந்தியாவிற்கு மருத்துவச் சேவைக்கான ஆயுதப் படை (Armed Forces Medical Service - AFMS) கொண்டு வர முடிவு செய்துள்ளது.
படைப்பாற்றலை மேம்படுத்துவதையும் சமூகத்திற்குச் சிற்பக்கலை ஆற்றிய பங்கினையும் அதன் தனித்துவத்தைப் புரிந்து கொள்வதையும் நோக்கமாகக் கொண்டுள்ள சர்வதேச சிற்பக்கலை தினமானது உலகம் முழுவதும் கொண்டாடப் படும் ஒரு நிகழ்வாகும்.
சர்வதேச சிற்பக்கலை மையத்தினால் ஏற்பாடு செய்யப்படும் இத்தினமானது ஒவ்வொரு வருடமும் ஏப்ரல் மாதத்தின் கடைசி சனிக்கிழமையன்று (ஏப்ரல் 24, 2021) அனுசரிக்கப் படுகிறது.
2021 ஆம் ஆண்டு வருடாந்திர ஆசிய மாநாட்டிற்கான போவோ மன்றத்தின் தொடக்க விழாவானது தென் சீனாவின் ஹைனான் மாகாணத்திலுள்ள (Hainan Province) போவோவில் (Boao) நடைபெற்றது.
இம்மாநாட்டின் கருத்துரு, “மாற்றத்தில் உலகம் : உலகளாவிய ஆட்சிமுறையை வலுப்படுத்தவும், பட்டை மற்றும் சாலை திட்டத்திற்கான ஒத்துழைப்பினை மேம்படுத்தவும் கை கோருங்கள்” என்பதாகும்.
Accenture இந்தியா என்ற நிறுவனத்தின் தலைவரான ரேகா M. மோகன் மென்பொருள் மற்றும் சேவைகள் நிறுவனங்களுக்கான கூட்டமைப்பின் (National Association of Software and Service Companies – NASSCOM) தலைவராக நியமிக்கப் பட்டுள்ளார்.
இந்த மென்பொருள் நிறுவனக் குழுவின் 30 ஆண்டுகால வரலாற்றில் தலைமைப் பொறுப்பை வகிக்கும் முதல் பெண்மணி எனும் பெருமையை இவர் பெற்று உள்ளார்.
2021 ஆம் ஆண்டு உலக நோய்த் தடுப்பு வாரமானது (ஏப்ரல் 24 முதல் ஏப்ரல் 30 வரை) எல்லா இடங்களிலும், வாழ்நாள் முழுவதும் அனைவரின் உடல்நலனையும் தடுப்பூசியானது எவ்வாறு மேம்படுத்துகிறது என்பதைக் காட்டுகிறது.
இந்த ஆண்டிற்கான இத்தினத்தின் கருத்துரு, “தடுப்பூசிகள் நம்மை ஒன்றிணைக்கின்றன” (Vaccines bring us closer) என்பதாகும்.