இந்தோனேசியக் கடற்படைக்குச் சொந்தமான ‘கே.ஆர்.ஐ. நங்கலா – 402’ எனப்படும் நீர்மூழ்கிக் கப்பலின் மீட்புப் பணிகளில் இந்திக்ய கடற்படையும் இணைந்துள்ளது.
இந்தோனேசியாவின் 44 வருட பழமையான இந்த நீர்மூழ்கிக் கப்பலானது பாலி தீவிற்கு வடக்கே மேற்கொண்டிருந்த கடற்கணை (Torpedo) போர்ப் பயிற்சியின் போது காணாமல் போனது.
CBNAAT என்பது கோவிட்-19 தொற்றுப் பரிசோதனைக்கான ஒரு மாற்று கலன் சார்ந்த நியூக்ளிக் அமில பெருக்கச் சோதனையாகும் (Cartridge Based Nucleic Acid and Amplification Test – CBNAAT).
இது விரைவான சோதனை முடிவுகளைத் தருவதாகவும் இதற்கான கருவிகள் நாடு முழுவதும் எளிதாகக் கிடைக்கின்றன எனவும் கூறப்படுகிறது.
“வருணா-2021” எனப்படும் 19வது இந்திய மற்றும் பிரஞ்சு நாடுகளுக்கிடையேயான இருதரப்பு கடற்படைப் பயிற்சியானது அரபிக் கடலில் தொடங்கப்பட்டுள்ளது.
கடல்சார் துறைகளில் பாதுகாப்பு, அமைதி மற்றும் நிலைத் தன்மையை மேம்படுத்த ஒருங்கிணைந்த சக்தியாக தங்கள் திறனை நிரூபிக்க இரு நாட்டுக் கடற்படைகளும் தங்களது போர்த் திறன்களை மேம்படுத்த முயற்சிக்கும்.