நேச்சர் எனும் அறிவியல் இதழில் வெளியான சில தகவல்களின்படி. அமேசான் மழைக் காடுகளின் சில பகுதிகளிலுள்ள மரங்கள், தான் உறிஞ்சும் கார்பன் டை ஆக்சைடை விட அதிக அளவு கார்பன் டை ஆக்சைடை வெளியிடுகின்றன.
ஒரு கார்பன் ஈர்ப்புப் பகுதியாக (கார்பன் மடு) அமேசான் மழைக்காடுகளின் பங்கு குறைந்து வருவது இதன் மூலம் தெரிய வருகிறது.
கர்நாடக முதலமைச்சர் B.S. எடியூரப்பா கர்நாடக மின்சார இருசக்கர வாகன வாடகைத் திட்டம் 2021 என்ற திட்டத்தைத் தொடங்கி வைத்துள்ளார்.
பேருந்து, இரயில் மற்றும் மெட்ரோ நிலையங்களை அடைவதில் உள்ள சிரமங்களைக் குறைத்தல் மற்றும் அதற்கான பயண நேரத்தைக் குறைத்தல் போன்றவற்றை நோக்கமாகக் கொண்டு இத்திட்டம் தொடங்கப்பட்டுள்ளது.
“ஜம்மு & காஷ்மீர் மற்றும் லடாக் ஆகிய ஒன்றியப் பிரதேசங்களுக்கான பொது உயர் நீதிமன்றம்” என்ற பெயரானது “ஜம்மு & காஷ்மீர் மற்றும் லடாக் உயர்நீதிமன்றம்” என மாற்றப் பட்டுள்ளது.
இதற்கான ஜம்மு & காஷ்மீர் மறுசீரமைப்பு (சிரமங்களை நீக்குதல்) ஆணை, 2021 என்ற ஒரு ஆணையில் குடியரசுத் தலைவர் ராம்நாத் கோவிந்த் அவர்கள் கையெழுத்திட்டார்.
ஆசிய-பசிபிக் வர்த்தகக் குழுமத்தின் ஒரு சிறப்பு காணொலிச் சந்திப்பான “ஆசிய பசிபிக் பொருளாதார ஒத்துழைப்பு” எனும் சந்திப்பிற்கு நியூசிலாந்து நாடு தலைமை ஏற்றது.
இந்த சந்திப்பின் போது, விரிவான கோவிட்-19 நோய்த் தடுப்பு என்பது உலகளவில் மக்களுக்கான ஒரு நன்மை என்றும் இந்த சுகாதார நெருக்கடி நிலையிலிருந்து மீண்டு வருவதற்குத் தடுப்பு மருந்துகளை விரைவாக அணுகச் செய்வது மிக அவசியம் என்றும் உலகத் தலைவர்கள் அனைவரும் குறிப்பிட்டுக் கூறினர்.