PREVIOUS
✖
TNPSC துளிகள்
November 10 , 2023
381 days
256
0
- வீட்டுவசதி மற்றும் நகர்ப்புற விவகாரங்கள் அமைச்சகம் (MoHUA) ஆனது, புதுப்பித்தல் மற்றும் நகர்ப்புற மாற்றத்திற்கான அடல் இயக்கத்தின் (AMRUT) கீழ் “Women for Water, Water for Women Campaign” என்ற அதிகாரமளித்தல் முன்னெடுப்பினை தொடங்கி உள்ளது.
- மூத்த ஆட்சிப்பணி அதிகாரி ஹீரலால் சமரியா மத்திய தகவல் ஆணையத்தின் தலைவராகப் பதவியேற்று உள்ளார்.
- இப்பதவியை வகிக்கும் முதல் தலித் நபர் இவரே ஆவார்.
- கான்பூரின் இந்தியத் தொழில்நுட்பக் கழகம் (IIT) ஆனது, ATMAN (காற்றுத் தரக் குறிகாட்டிகளைக் கண்காணிப்பதற்கான மேம்பட்ட தொழில்நுட்பங்கள்) எனப்படும் ஒரு புதிய சிறப்பு மையத்தினை நிறுவியுள்ளது.
- இது காற்றின் தரத்தை மேம்படுத்துவதற்காக குறைந்த விலையிலான உள்நாட்டில் தயாரிக்கப்பட்ட உணர்விகளின் உற்பத்தி மற்றும் செயற்கை நுண்ணறிவு / இயந்திரக் கற்றல் திறன்களை உருவாக்குவதில் கவனம் செலுத்தும்.
- பாரத் பொட்டானிக்ஸ் தயாரிப்பு நிறுவனமானது, குஜராத்தின் ராஜ்கோட் பகுதியில் அமைந்த கோண்டல் எனுமிடத்தில் மரச்செக்கு மூலம் தயாரிக்கப்படும் எண்ணெய் உற்பத்திச் செயல்முறையாக்க ஆலையினைத் திறக்க உள்ளதாக அறிவித்துள்ளது.
- ஒரு மாதத்தில் 16.1 மில்லியன் மெட்ரிக் டன் (MMT) சரக்குகளை கையாண்ட இந்தியாவின் முதல் துறைமுகமாக முந்த்ரா துறைமுகம் மாறியுள்ளது.
- ஒருநாள் சர்வதேசப் போட்டிகளில் அதிக சதங்கள் (49) அடித்த சச்சின் டெண்டுல்கரின் சாதனையை விராட் கோலி சமன் செய்துள்ளார்.
- இந்திய மகளிர் ஹாக்கி அணியானது, ஜப்பான் அணியினை வீழ்த்தி ஆசிய சாம்பியன்ஸ் கோப்பை போட்டியில் கோப்பையை வென்றது.
- மாண் தீவில் நடைபெற்ற FIDE கிராண்ட் சுவிஸ் சதுரங்கப் போட்டியில் விதித் குஜ்ராத்தி மற்றும் R. வைஷாலி முன்னணி இரண்டு பட்டங்களை வென்றுள்ளனர்.
- R. வைஷாலி மற்றும் R. பிரக்ஞானந்தா ஆகியோர் கேண்டிடேட்ஸ் போட்டிக்கு தகுதி பெற்ற முதல் சகோதர-சகோதரி இணையாக வரலாறு படைத்துள்ளனர்.
Leave a Reply
Your Comment is awaiting moderation.