PREVIOUS
✖
TNPSC துளிகள்
April 22 , 2024
220 days
249
0
- சானி இந்தியா நிறுவனமானது, உள்நாட்டிலேயே தயாரிக்கப்பட உள்ள முழுவதும் மின்சாரத்தில் இயங்கக்கூடிய SKT105E என்ற முதல் சரக்குந்தினை அறிமுகப்படுத்தி உள்ளது.
- உலகப் பொருளாதார மன்றம் ஆனது நைக்கா (Nykaa) நிறுவனத்தின் இணை நிறுவனர் மற்றும் நைக்கா ஃபேஷன் தலைமை நிர்வாக அதிகாரி அத்வைதா நாயரை ‘2024 ஆம் ஆண்டின் உலகளாவிய இளம் தலைவர்’ என்று குறிப்பிட்டுள்ளது.
- கேரள மாநிலத்தின் சுகாதாரத் துறையானது, பெருந்தொற்று குறித்த ஆய்வு மற்றும் குறைந்தபட்சமாக எட்டு நோய்களைக் கட்டுப்படுத்துதல் ஆகியவற்றிற்கான பல்வேறு விரிவான நியம நடவடிக்கை முறைமைகளை (SOP) விரைவில் வெளியிட உள்ளது.
- கடல் வாழ் உயிரினங்களுக்கானச் சூழலை மேம்படுத்துவதற்காக என்று இந்தியாவின் இரண்டாவது (பாண்டிச்சேரிக்கு அடுத்தபடியாக) செயற்கைப் பவளப் பாறைகள் என்பது, மும்பையின் வொர்லி கோலிவாடா அருகே நிறுவப்பட்டுள்ளது.
- செயற்கை நுண்ணறிவினால் உருவாக்கப்பட்ட 2 நடுவர்கள் அங்கத்துவம் வகிக்கும் நடுவர் குழுவினைக் கொண்ட உலகின் முதல் 'செயற்கை நுண்ணறிவுகளின் அழகி' என்ற அழகுப் போட்டியானது அறிவிக்கப்பட்டது.
- அஜய் பங்கா, ஆலியா பட் மற்றும் சாக்சி மாலிக் உள்ளிட்ட இந்திய வம்சாவளியைச் சேர்ந்த 8 பேர், டைம் இதழின் 2024 ஆம் ஆண்டின் மிகவும் செல்வாக்கு மிக்க 100 நபர்களின் பட்டியலில் இடம் பெற்றுள்ளனர்.
- அராபிகா காபி இனத்தின் மரபணு ஆனது, எத்தியோப்பியாவின் காடுகளில் 610,000 முதல் ஒரு மில்லியன் ஆண்டுகளுக்கு முன்னதாக மதிப்பிடப்பட்ட இரண்டு காபி பயிர் இனங்களுக்கிடையிலான இயற்கையான இனச்சேர்க்கையின் காரணமாக தோன்றி உள்ளதாக கண்டறியப்பட்டுள்ளது.
- இது சுமார் 300,000 ஆண்டுகளுக்கு முன்பு ஆப்பிரிக்காவில் தோன்றிய ஹோமோ சேபியன்ஸ் இனத்தை விட இந்த இனம் பழமையானது என்பதைக் குறிக்கிறது.
- சென்னையின் இந்தியத் தொழில்நுட்பக் கழகம் ஆனது, "நடமாடும் வாகனங்களில்" இந்தியாவின் முதல் மருத்துவச் சாதனங்களின் அளவுத் திருத்த வசதியை அறிமுகப் படுத்தியுள்ளது.
- இந்த வசதியானது, இந்தியத் தொழில்நுட்பக் கல்விக் கழகத்தின் அனைவருக்கும் IITM என்ற முன்னெடுப்பின் கீழ் உருவாக்கப்பட்டுள்ளது.
- 42வது நிறுவனங்களுக்கு இடையேயான விண்வெளிக் குப்பைகள் மேலாண்மை ஒருங்கிணைப்புக் குழுவின் (IADC) வருடாந்திரக் கூட்டமானது பெங்களூருவில் நடத்தப் பட்டது.
- இந்த முன்னெடுப்பானது, 2030 ஆம் ஆண்டிற்குள் அனைத்து இந்திய விண்வெளி நிறுவனங்கள், அரசு மற்றும் அரசு சாரா நிறுவனங்களால் குப்பைகள் இல்லாத விண்வெளித் திட்டங்களை அடைவதை நோக்கமாகக் கொண்டுள்ளது.
- சுமார் 5,000 ஆண்டுகளுக்கு முன்பு, சீன எழுத்துக்களைக் கண்டுபிடித்தவராகக் கருதப் படும் காங்ஜி என்ற புராண கதாப்பாத்திரத்திற்கு கௌரவமளிக்கும் விதமாக என்று ஆண்டுதோறும் ஏப்ரல் 20 ஆம் தேதியன்று ஐக்கிய நாடுகள் சபையின் சீன மொழி தினம் அனுசரிக்கப்படுகிறது.
- உலகளாவியப் பிரச்சனைகளைத் தீர்ப்பதில் படைப்பாற்றல் மற்றும் புதுமையின் முக்கியத்துவம் பற்றிய விழிப்புணர்வை ஏற்படுத்துவதற்காக ஒவ்வோர் ஆண்டும் ஏப்ரல் 21 ஆம் தேதியன்று உலக படைப்பாற்றல் மற்றும் புதுமை தினம் அனுசரிக்கப் படுகிறது.
Leave a Reply
Your Comment is awaiting moderation.