PREVIOUS
✖
TNPSC துளிகள்
June 13 , 2024
163 days
203
0
- தூத்துக்குடி மக்களவைத் தொகுதியில் இருந்து தேர்ந்தெடுக்கப்பட்ட திமுக பாராளுமன்ற உறுப்பினரான கனிமொழி, அந்தக் கட்சியின் பாராளுமன்றக் கட்சித் தலைவராக TR பாலுவிற்குப் பதிலாக நியமிக்கப்பட்டுள்ளார்.
- ஒடிசாவின் கியோன்ஜார் தொகுதியில் இருந்து நான்கு முறை சட்டமன்ற உறுப்பினராக தேர்ந்தெடுக்கப்பட்ட மோகன் மஜ்ஹி, ஒடிசாவின் முதலமைச்சராக நியமிக்கப்பட்டு உள்ளார்.
- இந்த மாநிலத்தின் 15வது முதல்வரும் 3வது பழங்குடி முதல்வருமான இவர் இந்த மாநிலத்திற்கான பாஜக கட்சியின் முதலாவது முதல்வர் ஆவார்.
- சிக்கிம் கிராந்திகாரி மோர்ச்சா (SKM) அமைப்பின் தலைவர் பிரேம் சிங் தமாங் ஜூன் 10 ஆம் தேதியன்று தொடர்ந்து இரண்டாவது முறையாக முதலமைச்சராக பதவியேற்றார்.
- டியூப் இன்வெஸ்ட்மெண்ட்ஸ் இந்தியா (TII) நிறுவனத்தின் நிர்வாகத் துணைத் தலைவர் வெள்ளையன் சுப்பையா 2024 ஆம் ஆண்டின் சிறந்த EY உலகத் தொழில்முனைவோராக தேர்ந்தெடுக்கப்பட்டுள்ளார்.
- இந்திய இராணுவம் வித்யுத் இரக்சக் என்ற புதிய இணைய வசதியில் இயங்கும் சாதன பொருட்களின் இணைப்பு உலகம் (IoT-இணைய உலகம்) மூலம் செயல்படும் ஒருங்கிணைந்த மின்னியற்றிக் கண்காணிப்பு, பாதுகாப்பு மற்றும் கட்டுப்பாட்டு அமைப்பினை அறிமுகப் படுத்தியுள்ளது.
- சுஹெல்வா வனவிலங்கு சரணாலயத்தில் புலிகள் காணப்படுவதற்கான ஆதாரங்கள் கிடைக்கப் பெற்றதைத் தொடர்ந்து, விரைவில் உத்தரப் பிரதேசத்தில் இது புதிய புலிகள் வளங்காப்பகமாக நிறுவப்படவுள்ளது.
- உத்தரப் பிரதேசத்தின் 5வது புலிகள் சரணாலயமான இது இந்தியாவின் 56வது புலிகள் சரணாலயமாகும்.
- விண்வெளியில் நிலவில் இருந்து ‘புவி உதிக்கும் காட்சியினை’ புகைப்படம் எடுத்த அப்பல்லோ 8 விண்கலத்தின் விண்வெளி வீரர் வில்லியம் ஆண்டர்ஸ் விமான விபத்தில் உயிரிழந்தார்.
- 2023 ஆம் ஆண்டு கொள்கலன் துறைமுகம் செயல்திறன் குறியீட்டில் (CPPI 2023), அரசுக்குச் சொந்தமான விசாகப்பட்டினம் துறைமுகம் முதல் 20 இடங்களுக்குள் இடம் பெற்றுள்ளது.
- இது உலக வங்கி மற்றும் S&P உலகச் சந்தைத் தகவல் வழங்கீட்டு அமைப்பு ஆகியவற்றினால் உருவாக்கப்பட்டது.
- அகில இந்திய டென்னிஸ் சங்கம் (AITA) ஆனது பயிற்சியாளர் நர் சிங்கிற்கு வாழ்நாள் சாதனைக்கான திலீப் போஸ் விருதினை வழங்க உள்ளதாக அறிவித்துள்ளது.
- பெண் பயிற்சியாளர்களுக்கான AITA சங்கத்தின் புதிய வாழ்நாள் சாதனை விருது 69 வயதான ரோகினி லோகண்டேவிற்கு வழங்கப்படவுள்ளது.
Leave a Reply
Your Comment is awaiting moderation.