PREVIOUS
✖
TNPSC துளிகள்
November 11 , 2024
11 days
82
0
- இந்தியத் தேர்தல் ஆணையம் ஆனது, இந்திய ஆட்சிப் பணி அதிகாரி அர்ச்சனா பட்நாயக்கைத் தற்போதைய சத்யபிரதா சாஹூவுக்குப் பதிலாக தமிழ்நாட்டின் தலைமை தேர்தல் அதிகாரியாக நியமித்துள்ளது.
- இந்த தலைமை தேர்தல் அதிகாரிப் பதவிக்கு நியமிக்கப் பட்ட முதல் பெண் இந்திய ஆட்சிப் பணி அதிகாரி இவரே ஆவார்.
- 2024 ஆம் ஆண்டு சென்னை கிராண்ட் மாஸ்டர்ஸ் போட்டியில், அலெக்ஸி சரானா என்பவரை வீழ்த்தி அர்ஜுன் எரிகைசி உலகளாவியச் சதுரங்கப் போட்டியின் தர வரிசையில் இரண்டாவது இடத்திற்கு முன்னேறியுள்ளார்.
- ஒடிசாவைச் சேர்ந்த அனில் பிரதானுக்கு, கிராமப்புற இந்தியாவில் உள்ள மாணாக்கர்களிடையே STEM கல்வியை ஊக்குவிப்பதில் அவர் ஆற்றியப் பணிக்காக, கிராமப்புற மேம்பாட்டிற்கான சிறந்த பங்களிப்பிற்காக மூன்றாவது ரோகினி நய்யார் பரிசு வழங்கப்பட்டுள்ளது.
- ‘சாகர்மாலா பரிக்ரமா’ திட்டத்தின் கீழ் இயக்கப்பட்ட ஒரு தானியங்கு கடல் மேற்பரப்பு இயக்கக் கப்பல் என்பது மனிதர்களின் கட்டுப்பாடு இல்லாமல் மும்பையில் இருந்து தூத்துக்குடி வரையிலான 1,500 கிலோ மீட்டர் பயணத்தினை நிறைவு செய்துள்ளது.
- தானியங்கு கடல்சார் தொழில்நுட்பத்தின் மீதான இந்தியாவின் அதிகரித்து வரும் அனுபவத்தை அடையாளம் காட்டும் இம்மாதிரியான முதல் வகையான பயணம் இதுவே ஆகும்.
- AUSTRAHIND எனப்படும் இந்தியா மற்றும் ஆஸ்திரேலியா இடையேயான 3வது கூட்டு இராணுவப் பயிற்சி புனேவில் தொடங்கியது.
- இந்திய தரைப் படை, கடற்படை மற்றும் விமானப்படை ஆகியவை இணைந்து பூர்வி பிரஹார் என்ற ஒரு முப்படைக் கூட்டுப் பயிற்சியை கிழக்குப் படைப் பயிற்சி தளத்தில் நடத்தி வருகின்றன.
- இந்தக் கிழக்குப் படைப் பயிற்சி தளத்தில், சிக்கிம் மற்றும் அருணாச்சலப் பிரதேச மாநிலங்களிலுள்ள உண்மையான கட்டுப்பாட்டுக் கோட்டின் பகுதிகள் என்பவை ராணுவப் படைகளால் நிர்வககிக்கப் படுகின்றன.
- ஆஸ்திரேலிய நாட்டின் அரசாங்கம் ஆனது 16 வயதுக்குட்பட்ட குழந்தைகள் சமூக ஊடகங்களைப் பயன்படுத்துவதைத் தடை செய்வதற்கான ஒரு சட்டத்தை அறிமுகப் படுத்த உள்ளது.
- இந்திய நாட்டு அரசானது, இந்தியாவில் கூட்டணியின் செயலகத்தை நிறுவுவதற்காக உலகளாவிய உயிரி எரிபொருள் கூட்டணியுடனான (GBA) செயலேற்பு மீதான நாடுகள் ஒப்பந்தத்தில் (HCA) அதிகாரப்பூர்வமாக கையெழுத்திட்டுள்ளது.
Leave a Reply
Your Comment is awaiting moderation.