PREVIOUS
✖
TNPSC துளிகள்
December 7 , 2024
15 days
64
0
- தமிழ்நாடு மாநில அரசானது துணை முதல்வர் உதயநிதி ஸ்டாலினை, மாநிலத் திட்ட ஆணையத்தின் பதவி வழித் துணைத் தலைவராக நியமித்துள்ளது.
- யுனிசெஃப் அமைப்பானது, தனது ஆவணங்களில் தமிழகத்தில் உள்ள SCARF அமைப்பின் மனநோய்க்கான தடுப்பு மற்றும் ஆரம்ப கட்ட நடவடிக்கைகள் (PEPP) மற்றும் இளையோர் மனநலச் சேவைகளுக்கான வள மையம் (rYMs) ஆகிய இரண்டு திட்டங்களைக் குறிப்பிட்டுள்ளது.
- 2024 ஆம் ஆண்டு இந்திய சர்வதேச அறிவியல் திருவிழா (IISF) ஆனது, "Transforming India into an S&T-driven Global Manufacturing Hub (இந்தியாவினை அறிவியல் மற்றும் தொழில் நுட்பம் மூலமாக இயக்கப்படும் உலகளாவிய உற்பத்தி மையமாக மாற்றுதல்") என்ற கருத்துருவுடன் குவஹாத்தியின் இந்தியத் தொழில்நுட்பக் கல்விக் கழகத்தில் நடைபெற்றது.
- இந்திய இராணுவம் ஆனது, இந்திய இராணுவ அதிகாரிகளின் தொழில்முறைக் கல்வி மற்றும் பயிற்சியை மேம்படுத்துவதற்காக "ஏகலவ்யா" என்ற புனைப்பெயர் கொண்ட இந்திய இராணுவத்திற்கான இயங்கலை வழி கற்றல் தளத்தினை அறிமுகப்படுத்தி உள்ளது.
- மத்தியப் பிரதேசத்தில் உள்ள ரத்தாபானி வனவிலங்கு சரணாலயம் ஆனது புலிகள் வளங்காப்பகமாக அறிவிக்கப்பட்டுள்ளது.
- இது மத்தியப் பிரதேச மாநிலத்தின் 8வதும் மற்றும் இந்தியாவின் 57வது புலிகள் வளங் காப்பகமாகும்
- மத்தியப் பிரதேசத்தில் ஷிவ்புரி மாவட்டத்தில் உள்ள மாதவ் தேசியப் பூங்காவினை புலிகள் வளங்காப்பகமாக அறிவிக்க தேசியப் புலிகள் வளங்காப்பு ஆணையம் (NTCA) ஒப்புதல் அளித்துள்ளது.
- யுனெஸ்கோ அமைப்பானது, மதம், பாரம்பரியம் மற்றும் தேயிலைச் சுற்றுலாவை வளர்ப்பதில் மாநிலத்தின் முன்னேற்றத்தை நன்கு எடுத்துக்காட்டும் விதமாக மேற்கு வங்காளத்தினைப் பாரம்பரியச் சுற்றுலாவிற்கான முன்னணி இடமாக அங்கீகரித்து உள்ளது.
- பொதுவாக IVD என அழைக்கப் படுகின்ற சர்வதேசத் தன்னார்வலர் தினம் ஆனது ஒவ்வோர் ஆண்டும் டிசம்பர் 05 ஆம் தேதியன்று கொண்டாடப்படுகிறது.
Leave a Reply
Your Comment is awaiting moderation.